ASNN – Durrsakët dhe kurbinasit, por edhe Prishtina, mësojnë kundërshtarët nëse kalojnë fazën e 3-të të Ligës së Konferencës. 3 skuadrat shqiptare që kanë mbetur në lojë, dy nga Shqipëria, Teuta dhe Laçi, dhe një nga Kosova, Prishtina dhe ato kanë njohur edhe kundërshtarët e mundshëm në “play-off”-et e Ligës së Konferencës, natyrisht, nëse kapërcejnë më parë kundërshtarët e turit të 3-të eliminator. Veprimtaria e 3-të e klubeve të Evropës ka hedhur të martën shortin e fazës së “play-off”-eve, nga ku do të dalin edhe skuadrat që do të vijojnë më tej në fazën e grupeve.
Dhe janë 3 skuadrat shqiptare që kanë mbetur në lojë, dy nga Shqipëria, Teuta dhe Laçi, dhe një nga Kosova, Prishtina dhe ato kanë njohur edhe kundërshtarët e mundshëm në “play-off”, natyrisht, nëse kapërcejnë më parë kundërshtarët e turit të 3-të eliminator. Në fakt, grupet e Ligës së Konferencës mund të jenë një realitet i prekshëm për Teutën, pasi kampionen e Kategorisë Superiore të Shqipërisë i pret një short i favorshëm në fazën e “play-off”-it, në rast se kualifikohen ndaj irlandezëve të Shamrokut në turin e tretë.
Durrsakët do të duhet të përballen me skuadrën humbëse të çiftit Omonia-Flora Talin. Përballja mes qipriotëve të Omonias dhe estonezëve të Flora Talin, është e vlefshme për turin e 3-të të Ligës së Evropës, teksa skuadra që do të eliminohet, shkon në “play-off”-in e Ligës së Konferencës, ku i pret Teuta ose Shamroku. Ndërkaq, sa i përket Laçit, në rast të një triumfi tjetër historik ndaj gjigantëve të Anderlehtit, skuadra e Shpëtim Duros do të përballet me skuadrën fituese që do të dalë nga çifti Vitese e Arnhemit-Dandok.
Po kështu, edhe Prishtina ka mësuar kundërshtaren e mundshme, në rast të kualifikimit përballë Bodo Glimit. Ashtu si Teuta, kampionët në fuqi të Kosovës, do të përballen me skuadrën humbëse të çiftit Mura-Zalgiris. Kampionia e Sllovenisë, Mura, eliminoi pikërisht Shkëndijën e Tetovës në turin e parë të Ligës së Kampioneve. Faza e “play-off”-eve të Ligës së Konferencës i luan ndeshjet e parëa më 19 gusht, ndërsa ato të kthimit më 26 gusht 2021.
