ASNN – Në atë që është një rast i rrallë në futbollin shqiptar, Tomas Brdariç është rikthyer në detyrë vetëm pak orë pas largimit nga stoli i Vllaznisë. Ka qenë trajneri gjerman i skuadrës shkodrane, i cili të shtunën në mbrëmje konfirmoi shkarkimin nga ana e klubit, ai që ka sqaruar se ishte skuadra dhe tifozët shkodranë që kërkuan qëndrimin e tij në krye të ekipit. “Unë nuk mund të bëj pa këta lojtarë dhe as këta pa mua, – ka deklaruar ai paraditen e së shtunës. – Më kanë kthyer lojtarët, sepse jemi bërë një familje.”
“U ulëm të gjithë bashkë dhe vendosëm të vazhdojmë, – ka sqaruar ish-futbollisti i njohur. – Të gjithë ishim të mërzitur pas humbjes por ne duam te bëjmë me te mirën pavarësisht se situata doli nga kontrolli. Do të vijojmë të bëjmë më të mirën.” Vendimi për të ndryshuar qëndrim në lidhje me të ardhmen e stolit, u mor nga drejtuesit më të lartë të klubit pas disfatës me Bylisin, që e zbriti ekipin verior në vendin e katërt pas shumë javëve në krye të klasifikimit. Në fakt, të premten në mbrëmje u mësua se Brdariçi nuk ishte më trajneri i Vllaznisë.
Një gjë të tillë e ka pati konfiruar për RTSH Sport vetë trajneri, ndërsa burime pranë klubit shkodran, patën sqaruar se, ndërkohë drejtimin e skuadrës do ta marrë ndihmësi i gjermano-kroatit, Elvis Plori, i cili mbante detyrën e trajnerit të parë i kuqebluve, bashkë me pjesën e mbetur te stafit teknik. Duke folur posaçërisht për RTSH Sport nëpërmjet linjës telefonike, Brdariç pari theksuar se nuk ndihet i zhgënjyer, duke këmbëngulur: “Jo, pse duhet të jem i zhgënjyer. Ne jemi Vllaznia, ne jemi në Shkodër, ne punojmë në maksimum.”
“Por, nëse ke pritshmëri shumë më të larta, duhet të ruash qetësinë dhe nëse ti zgjedh t’i bësh lëmsh pritshmëritë, kjo nuk është mendësia ime, – pati theksuar ai. – Kjo do të thotë të ëndërrosh, por unë mendoj se ne duhet të jemi të qartë në mendjen tonë dhe unë mendoj se skuadra dhe grupi teknik janë të qartë. Por unë mendoj që nuk është përgjegjësia ime të gjykoj të tjerët.” Në fakt, Vllaznia nuk e njeh fitoren prej një muaji, që nga ai triumf minimal në shtëpi me Apoloninë më 13 shkurt 2021 dhe gjatë këtyre 5 ndeshjeve të fundit, skuadra shkodrane ka marrë vetëm 2 pikë nga 15 të mundshme.
Po kështu ka parë edhe epërsinë prej 9 pikësh në krye të renditjes t’i davaritet dhe tanimë është dy pikë prapa Laçit kryesues dhe me pikë të barabarta me Teutën dhe Partizanin. Ish-futbollisti i njohur i Bundesligës gjermane, por edhe i përfaqësueses së Gjermanisë, nisi punën në fillim të gushtit tme Vllaznisë, duke e shndërruar skuadrën që vinte nga një sezon i vështirë ku u vu në diskutim edhe mbijetesa, në një ekip që e mbizotëroi Kategorinë Superiore për mëse 18 javë. Por paraqitjet në vazhdën negative prej vetëm dy barazimesh dhe 3 humbjesh, ku skuadra e tij ka shënuar vetëm dy gola dhe ka pësuar 6, duke tronditur pozitat e trajnerit gjerman, Tomas Brdariç.
