ASNN – Në takimin që uli siparin e javës së 24-t të Kategorisë Superiore kanë zhgënjyer durrsakët, teksa ndalen në barazim pa gola përballë Kastriotit. Teuta nuk arrin kështu të ruajë hapin e Laçit dhe Partizanit, duke i ndezur dritën jeshile skuadrës kurbinase për të kryesuar e vetme renditjen. Ekipi i trajnerit Edi Martini ndalet në një barazim të dhimbshëm pa gola në Stadiumin “Niko Dovana” të Durrësit, përballë Kastriotit të armatosur deri në dhëmbë me dëshirën dhe vendosmërinë për të mos dalë pa pikë nga vizita bregdetare.

Skuadrat ishin pa dëshirë për të rrezikuar në pjesën e parë dhe u treguan të kujdesshme për të mos pësuar dhe rrezikuar disfatën, por krutanët reflektuan më shumë grintë dhe forcë fizike për të treguar futbollin që dinë të luajnë. Shumë pak për ta konsideruar në sfidë kreu. Teuta e pafuqishme për të imponuar lojën dhe ritmin e saj. Sprinti i fundit i ndeshjes e ngjeshi Kastriotin në gjysmëfushën e tij dhe vendasit në sulm frontal, të vetëdijshem se koha punonte kundër tyre.

Sidoqoftë, skuadra e trajnerit Ramada Ndreu, e cila po zhvillon një sezon brenda pritshmërive në zonën e sigurt të renditjes, merr një pikë të vyer në Durrës, që e mban larg zonës së ftohtë të “play-out”-it apo rënies nga Kategoria. Në krahun tjetër, Teuta humbet “trenin” e kreut dhe një mundësi të artë për t’u ngjitur në krye të Kategporës Superiore, duke përmbyllur njëkohësisht edhe një javë zhgënjyese me dy barazime, por edhe me shumë dyshime.

KATEGORIA SUPERIORE

Java e 24-t

Të premten, 12 mars 2021:

VLLAZNIA – BYLIS                          1-2

Shënues: Dilaver 14’ / Spahiu 75’, Bexhi 90’+3

KUKËSI – APOLONIA                     1-1

Shënues: Ibraimi 45’+2 (11-m.) / Gjata 86’

Të shtunën, 13 mars 2021:

TIRANA – PARTIZANI                     1-2

Shënues: Hoxhallari 39’ / Belica 29’, Bardhi 59’

SKËNDERBEU – LAÇI                   0-2

Shënues: Mazrekaj 57′, Shehu 75′

TEUTA – KASTRIOTI           0-0

Renditja

Nr.       Skuadrat        N.      F          B         H         Gsh-Gp          Pikë

1. Laçi                 24        12          8          4        32-18              44
2. Vllaznia         24        12          6          6        29-17              42
3.        Partizani        24        11          9          4        34-16              42
4. Teuta              24        10        12          2        24-11              42
5. Tirana             24          9          8          7        24-18              35
6. Kukësi            24          9          5        10        31-29              32
7. Kastrioti          24          7          8          9        19-26              29
8. Bylis               24          5          7        12        18-30              22
9. Apolonia        24          3          8        13        15-36              17
10. Skënderbeu 24          3          7        14        20-45              16