ASNN – Vllaznia dhe Kukësi nuk kanë shkuar më shumë se një barazim 0-0 mes tyre në ndeshjen që uli siparin e javës së 23-të të Kategorisë Superiore dhe që u zhvillua të hënën pasdite në Stadiumin “Loro Boriçi” të Shkodrës. Vendasit kishin mundësinë më të mirë për të zhbllokuar rezultatin në pjesën e dytë, por Imeri ka gabuar nga pika e 11-metërshit, kur Gjika ka neutralizuar goditjen e tij. Një tjetër ndeshje pa fitore për kuqeblutë, e 4-ta radhazi (dy barazime dhe dy humbje).

Por edhe një barazim që nuk vlen aq shumë dhe për skuadrën e Kukësit, e cila vazhdon të mbetet larg zonës së Kupave të Evropës, që është dhe objektivi i saj në këtë sezon, nëse do t’i referohemi situatës aktuale në të cilën ndodhet. Në fakt, Vllaznia-Kukësi i pati të gjitha. Raste të shumta, 11-metërsh, pritje spektakolare dhe një hero: portierin Dashamir Xhika. 0-0, në një ndeshje ku shkodranët dhanë gjithçka për të fituar dhe i patën të gjitha mundësitë për ta bërë diçka të tillë.

Në fund u mjaftua me një pikë, që e mban në vendin e parë mbi Laçin dhe Teutën, që kishin ngecur gjithashtu. Kjo javë foli për Tiranën, që triumfoi me Kastriotin në fushë e kësaj të fundit. Vllaznia ka humbur shumë raste në pjesën e parë të takimit, me Nja Vedzhit, që dha sinjalin e parë, dhe më pas u la radhën Arlind Kalasë dhe Ardit Hoxhajt, të cilët u ndalën mrekullisht nga portieri Dashamir Xhika. Edhe Kukësi kishte një mundësi shumë të mirë shënimi, me kapitenin Agim ibraimi.

Ky i fundit, i vetëm me Zogoviçin, nuk e gjeti dot rrugën e rrjetës në një nga rastet më të mira. Kësisoj, pjesa e parë i lojës u mbyll me rrjeta të paprekura. Minutat e para të pjesës së dytë nuk dhuruan ndonjë rast, ndërkohë që trajneri Tomas Brdariç hodhi në fushë lojtarë si Imeri, Dilaver dhe Sise dhe ky i fundit fitoi një 11-metërshi në minutën e 70-të, pas një dueli me Bruno Lulajn. Imeri ekzekutoi nga pika e bardhë dhe u ndal nga portieri Dashamir Xhika.

Sulmuesi i shkodranëve edhe 10 minuta më pas kishte një mundësi të mirë shënimi, por gjuajti jashtë. Kaleziç gjithashtu u mundua të vinte në provë portierin e Kukësit, me një gjuajtje të fortë që nuk ishte e saktë. 90 minutat e kohës së rregullt u mbyllën pa gol dhe gjyqtari i katërt sinjalizoi edhe pesë minuta shtesë, me Vllazninë që u hodh në sulm për të shënuar golin trepikësh. Përpjekjet e tyre nuk u shpërblyen, madje Agim Ibraimi iu afrua shumë golit që do nxirrte Vllazninë duarbosh.

KATEGORIA SUPERIORE

JAVA E 23-TË

Të dielën, 7 mars 2021:

PARTIZANI – SKËNDERBEU       0-1

Shënues: Zhan Viktor 67′

Stadiumi “Elbasan Arena”, Elbasan

BYLIS – TEUTA                                1-1

Shënues: Beji 37’ / Bregu 30’ (11-m.)

Stadiumi “Adush Muça”, Ballsh

KASTRIOTI – TIRANA 1-2

Shënues: De Silva 66’ / Seferi 20’(11-m.), Hoxhallari 59’

Stadiumi i Kamzës

Të hënën, 8 mars 2021:

LAÇI – APOLONIA               1-1

Shënues: Shehu 47’ / Diop 89’

Stadiumi i Laçit

VLLAZNIA – KUKËSI           0-0

(71’ Imeri humbet 11-m., pret Xhika)

Stadiumi “Loro Boriçi”, Shkodër

Renditja

Nr.       Skuadrat        N.        F.         B.        H.        Gsh-Gp          Pikë

1. Vllaznia         23        12          6          5        28-15              42
2. Teuta              23        10        11          2        24-11              41
3. Laçi                 22        11          8          4        30-18              41
4. Partizani        23        10          9          4        32-15              39
5. Tirana             23          9          8          6        23-16              35
6. Kukësi            23          9          4        10        30-28              31
7. Kastrioti          23          7          7          9        19-26              28
8. Bylis               23          4          7        12        16-29              19
9. Apolonia        23          3          7        13        14-35              16
10. Skënderbeu 23          3          7        13        20-43              16