ASNN – Korabi ka dëshmuar se është një super-skuadër, ndërsa për fitoren në javën e 9-t ka menduar vëllai i trajnerit. Dibranët regjistrojnë fitoren e tyre të 8-të radhazi, me numër rekord shikuesish në stadium, kanë mundur minimalisht Teutën B, me një 11-metërsh të saktë të realizuar nga Laçi, dy minuta para përfundimit të pjesës së parë.

Dibranët janë në rrugën e duhur drejt ngjitjes në Kategorinë e Parë dhe këtë e kanë treguar gjatë këtyre 8 javëve. Ndërkaq, ka qenë një takim luftarak ai mes Shënkollit e Erzenit, i luajtur në stadiumin “Kastrioti”. Shijakasit gjejnë 3 herë rrugën e rrjetës në 25 minutat e fundi dhe, me këtë fitore, Erzeni mbetet sërish në vendin e 2-të.

Për rekord ka qenë ndeshja në Yrshek, ku është shënuar gol në 20 sekonda dhe Partizani B ka shpartalluar Olimpikun me rezultatin e thellë 4-0. Olimpiku-Partizani B ka nisur me shkelmimin e topit nga Ismaili e Vatnikaj nga qendra që pas tre kombinimeve të bukura mes tyre shënojnë golin e parë.

Kështu, kjo skuadër sheh gjithnjë e më shumë nga kreu i renditjes, ndërsa është vetëm pesë pikë larg vendit të parë, i cili mbahet nga Korabi. Luzi 2008 ka pësuar humbjen e dytë këtë sezon në shtëpi pas asaj me Korabin kryesues. Por, ndaj Alpetrolit, vendësve u ka ardhur humbja nga një lojtar i vet që ka shkaktuar autogol.

Luzi humbi kështu një shans të mirë për të ruajtur hapin e kryesueseve. Dhe, së fundi, kanë qenë katër muaj pritje për një fitore dhe, për këtë është dashur që Domosdova të thyejë Skraparin. Të besuarit e Rirës kanë mposhtur Skraparin me rezultatin 3-1. Për prrenjsakët vjen 3- pikëshi i parë dhe për ta ndizet dritë në fund të tunelit.

Kategoria e Dytë

Grupi A

Java e 9-të

(7-8 dhjetor 2014)

Të dielën:

Domosdova – Skrapari       3-1

Shënkolli – Erzeni               0-3

Olimpik – Partizani B           0-4

Luzi 2008 – Albpetroli         0-1

Korabi – Teuta B                  1-0

Sukthi                                                pushim

Të hënën:

Tirana – Vora                        (13:00)

Renditja

Nr.       Skuadra         N.        F.         B.        H.        Gsh-Gp          Pikë

1. Korabi 8          8          0          0          14-3                24
2. Erzeni 8          7          0          1          24-12              21
3. Partizani B 8          6          1          1          12-1                19
4. Luzi 2008 9          5          2          2          17-6                17
5. Sukthi 8          3          3          2          10-7                12
6. Shënkolli 9          3          2          4          15-11              11
7. Vora 7          2          3          3          11-12              9
8. Albpetroli 8          2          3          3          7-10              9
9. Olimpik 8          2          2          4          13-14              8
10. Teuta B 9          1          3          5          7-13              6
11. Tirana B 7          1          2          4          11-15              5
12. Skrapari 9          1          1          7          2-24              4
13. Domosdova 8          1          0          7          7-22              3