ASNN – Edhe niveli i dytë i Kampionatit Kombëtar të Basketbollit për Meshkuj, që njihet si Kategoria e Parë, ka luajtur ndeshjet e javës së 5-të, duke dëshmuar se, si rrallëherë, po karakterizohet nga një luftë e fortë sportive dhe nga një konkurrencë e madhe.

Kjo është dëshmuar edhe këtë javë, ku Teuta kryesuese është mundur në kryeqytet nga Studenti i trajnerit të ri, Henri Moja, me rezultatin 59-64, ndërsa Elbasani ka fituar në fushën e vet ndaj Skënderbeut, me rezultatin 81-54.

Ndeshja e zhvilluar në Pallatin e Sportit “Tomor Sinani” është dominuar plotësisht nga skuadra e drejtuar nga trajneri Arben Xhyra, e cila i ka fituar të katër pjesët e lojës, përkatësisht 19-8, 23-19, 21-13 dhe 18-14 dhe gjithë ndeshjen 81-54.

Pas 5 javëve të para, janë 3 skuadra, Teuta, Studenti dhe Elbasani, që kanë nga 8 pikë secila dhe i ndan vetëm pikëaverazhi, ndërsa Skënderbeu i vendit të fundit, është vetëm dy pikë prapa.

ELBASANI – SKËNDERBEU        81-54

(19-8, 23-19, 21-13, 18-14)

ELBASANI: A. Çela, Biçoku, Musta, Mata, Koçiasi / Guxha, Çarhoshi, Skëndaj, Leka, Balliu, Uruçi, F. Çela. Trajner: A. Xhyra

SKËNDERBEU: Zguro, Bajram, Thanas, Habib, Topi / Duçi, Shehi, Nika, Gërmeli, Prodani, Stoçeni. Trajner: I. Nika

GJYQTARË: E. Hoxhaj (Vlorë), G. Basho (Shkodër)

Kampionati Kombëtar

i Basketbollit – Meshkuj

Kategoria e Parë

Java e 5-të

(6 dhjetor 2014)

Elbasani – Skënderbeu      81-54

Studenti – Teuta                  64-59

Renditja

Nr.       Skuadra         N.        F.         H.        Psh-Pp                       Pikë

1. Teuta 5          3          2          360-320                     8
2. Studenti 5          3          2          332-320                     8
3. Elbasani 5          3          2          333-340                     8
4. Skënderbeu 5          1          4          300-343                     6