ASNN – Përfshihet në një aksident rrugor, i nështrohet ndërhyrjes kirurgjikale për fraktura të shumta në gjymtyrë. Lojtari i njohur i golfit, Tajgër Uds, ka pësuar një aksident të frikshëm automobilistik të martën në Shtetet e Bashkuara të Amerikës, duke përfunduar në gjendje të rëndë në spital dhe, sipas raportimeve të para të autoriteteve policore dhe atyre mjekësore në Los Anxheles, i është nënshtruar menjëherë ndërhyrjeve kirurgjikale për fraktura të shumta në gjymtyrë.
Sipas mediave amerikane, agjenti i sportistit ka konfirmuar se aksidenti ndodhi rreth orës 7:15 të mëngjesit të së martës në zonën e Ranço Palos Verde. Mësohet se Tajgër Vuds ishte i vetëm në makinë në çastin e aksidentit dhe ajo që ka krijuar më tepër çoroditje është fakti se nuk raportohet për përplasje me ndonjë mjet tjetër, por as nuk dihet ende shpejtësia me të cilën po lëvizte amerikani, makina e të cilit ka pësuar dëmtime të mëdha.
Mediat raportuan se zjarrfikësit u detyruar ta sharrojnë me sharrë metalike një pjesë të makinës së dëmtuar, për ta nxjerrë që aty yllin e golfit. Kjo është hera e 3-të që Tajgër Vuds përfshihet në një aksident të frikshëm automobilistik, ndërsa mediat amerikane kanë nxituar të theksojnë se ai ka vuajtur edhe nga çrregullime të gjumit dhe është gjetur edhe nga policia duke fjetur në timon.
