ASNN – Ka zgjatur shumë, thuajse një vit, por, më në fund ka nisur, duke dhuruar edhe të papritura. Kështu, pas një ndërprerjeje 11-mujore për shkak të epidemisë së Covid-19, sporti i volejbollit është rikthyer të shtunën në parket, teksa janë luajtur takimet e javës së parë të sezonit sportiv 2020-2021 të Kampionatit Kombëtar për Femra.

Siç dihet, 12 skuadrat pjesëmarrëse të këtij sezoni janë ndarë në dy grupe dhe, në Grupin A, ka spikatur fitorja në fushë të huaj e skuadrës së Flamurtarit, që mposhti 3-0 Mirditën, me shumë vajza të reja në përbërje. Pa probleme fiton edhe Vllaznia e drejtuar nga trajnerja Nora Deda, që mposhti 3-0 Apoloninë në Shkodër.

Në Grupin B kanë korrur fitore edhe dy ekipet pretendente për një vend në “play-off”, Partizani dhe Tirana që mundën përkatësisht Lushnjën dhe Korabin në ndeshjet e luajtura në kryeqytet. E paproitur ishte edhe fitorja jashtë fushe e Skënderbeut, që triumfoi po 3-0 në Durrës ndaj Teutës.

Siç duhet, ndeshjet janë luajtur pa tifozë, duke zbatuar masat anti-Covid të miratuara nga Federata Shqiptare e Volejbollit (FSHV).

Kampionatit Kombëtar

i Volejbollit – Femra

Java e parë

Grupi A

Barleti Volley – Elbasani     (Nuk u zhvillua)

Mirdita – Flamurtari               0-3

Vllaznia – Apolonia              3-0

Renditja

Nr.       Skuadra         Pikë

1. Flamurtari 3
2. Vllaznia 3
3. Apolonia 0
4. Mirdita 0
5. Barleti Volej 0
6. Elbasani 0

Grupi B

Tirana – Korabi                      3-0

Partizani – Lushnja              3-0

Teuta – Skënderbeu            0-3

Renditja

Nr.       Skuadra         Pikë

1. Partizani 3
2. Tirana 3
3. Skënderbeu 3
4. Lushnja 0
5. Korabi 0
6.  Teuta              0