ASNN – Kampionati Kombëtar i Futbollit të Femrave do të zhvillojë këtë të shtunë të gjitha ndeshjet e javës së 10-të.  Java do të hapet me ndeshjen Tirana AS-Vllaznia, që nis në orën 12:00, ku kryeqytetaset do të tentojnë të marrin pikë dhe t’i shkaktojnë humbjen e parë kampioneve shkodrane. Vllaznia vjen në kryeqytet si mike, me pikët e plota, 27, pas 9 javësh kampionati, ndërsa vajzat e Tirana AS vijnë pas fitores me Kinostudion, me 19 pikë në renditje.

Katër ndeshje të tjera do të luhen duke nisur nga ora 13:00. Shkodranet e Akademisë AAS do të presin në qytetin verior vajzat e Teutës. AAS vjen pas humbjes së thellë me Vllazninë dhe kërkon të gjejë fitoren kundër Teutës që u mund në shtëpi javën e shkuar nga kryeqytetaset e Partizanit. Lushnja do të presë në shtëpi Apoloninë, në derbin e parë të Myzeqesë për këtë sezon. Për fieraket, ndeshja kundër lushnjareve konsiderohet e lehtë në letër.

Sepse, do të shkojë për të marrë pikët dhe për të vazhduar ecurinë pozitive në kampionat. Juban Danja e vendit të 5-të do të presë në Shkodër vajzat e Kinostudios, të renditura në një pozicion më poshtë. Dy ekipe të cilat javën e kaluar lanë pikët e plota dhe do të luajnë vetëm për fitoren. Bilisht Sport ende nuk e ka gjetur fitoren e parë në këtë sezon. Kundër Partizanit duket e vështirë, teksa këto të fundit udhëtojnë drejt qytetit juglindor për fitoren e dytë radhazi në kampionat.

Skënderbeu do të luajë në kryeqytet kundër Tiranës në orën 14:00. Vajzat e Tiranës zyrtare shpresojnë të marrin pikët e plota, duke shpresuar në një gabim të Apolonisë kundër Lushnjes, për t’u renditur në vendin e dytë dhe për të ëndërruar për titullin “kampion”.

Kampionati Kombëtar

i Futbollit – Femra

Java e 10-të:

Të shtunën, 30 janar 2021:

Tirana AS – Vllaznia                        ora 12:00

Akademia AAS – Teuta       ora 13:00

Lushnja –  Apolonia             ora 13:00

Juban Danja – Kinostudio  ora 13:00

Bilisht Sport – Partizani       ora 13:00

Tirana – Skënderbeu           ora 14:00

Renditja

Nr.       Skuadra                     Pikë

1. Vllaznia                     27
2. Apolonia                    24
3. Tirana                         22
4. Tirana AS                  19
5. Juban Danja             18
6. Kinostudio                 15
7. Partizani                    12
8. Akademia AAS           9
9. Skenderbeu                6
10. Teuta   6
11. Lushnja   3
12. Bilisht Sport   0