ASNN – Kombëtarja shqiptare e futbollit të sallës (Futsal) e drejtuar nga Erind Resuli nuk ia doli të merrte 3 pikët e para në ndeshjen kundër Kroacisë, e vlefshme për Eliminatoret e Kampionatit Europian 2022. Në ndeshjen e zhvilluar të mërkurën në mbrëmje në fushë të huaj, kuqezinjtë u mundën me rezultatin 1-4. Ndeshja nisi mirë për kuqezinjtë, të cilët treguan grintë dhe dëshirë për rezultat pozitiv, duke qenë edhe të parët që zhbllokuan rezultatin e lojës, në minutën e 3-të me anë të Selmanajt.

Në minutën e 19-të, ishin kroatët ata që shënuan golin e barazimit me Marinovic dhe një minutë më pas Perisiç shënon golin e epërsisë. Pjesa e parë mbyllet në favor të kroatëve. Pjesa e dytë i lojës nis vrullshëm me kuqezinjtë që kërkojnë me insistim golin e barazimit dhe me kroatët të cilët kërkojnë golin e tretë, por portieri Da Silva pret disa herë gjuajtjet drejt portës. Por në minutën e 30-të, Marinoviç shënon golin e tretë për kroatët.

Ndërsa në të 34-n, Matosheviç shënon golin e katërt dhe vulos rezultatin e ndeshjes. Me rezultatin 4-1 mbyllet ndeshja e parë e kuqezinjve në Grupin 1 të eliminatoreve të Kampionatit Evropian 2022 në futbollin e sallës, ndërsa ditën e diel Shqipëria do të luajnë në shtëpi kundër Ukrainës.

KROACI – SHQIPËRI                      4-1

Eliminatoret e EURO Futsall 2022, Grupi 1

Pallati i Sportit “Arena Varazhdin”, Kroaci

Gjyqtarë: He’emsoth (Gjermani), De Souza (Luksemburg)

Shënues: (0-1) – Selmanaj 3′, (1-1) – Marinoviç 19′, (2-1) – Perisiç 20′, (3-1) – Marinoviç31′, (4-1) – Matosheviç 35′

KROACIA: Luketin, Matosheviç, Jelovçiç, Periç, Novak; Primiç, Cekol, Jurlina, Perisiç, L. Suton, Marinoviç, J. Suton, Horvat. Trajner: M. Mavroviç.

SHQIPËRIA: Da Silva, Brahimi, Mejzini, Selmanaj, Kryeziu; Rrapi, Neziri, Shkodra, Karaja, Ramadani, Hasaj, Rexhepaj, Kaca. Trajner: E. Resuli.