ASNN – Turneu i ekipeve përfaqësuese rajonale për grupmoshën e Nën-14-vjeçarëve ka zhvilluar të hënën fazën finale. Edhe në këtë grup-moshë fituese është shpallur Tirana, që mposhti në finale përfaqësuesen rajonale të Fierit me rezultatin e ngushtë 1–0.

Ndërsa finalja për vendin e 3-të dhe të 4-t të Nën-14-vjeçarëve u fitua nga Shkodra, që mundi Durrësin pas goditjes së 11-metërshave, me rezultatin 3-0, pasi koha e rregullt përfundoi u mbyll me rrjeta të paprekura 0-0. Në ceremoninë e dorëzimit të trofeut simbolik ishin të pranishëm edhe Përgjegjësi i zbulimit të talenteve në Federatën Shqiptare të Futbollit, Xhemal Mustedanagiҫ, dhe eksperti i futbollit, Sulejman Mema, i cili është edhe pjesë e sektorit të Ekipeve Kombëtare në FSHF.

Ekipi përfaqësues rajonal i Tiranës së Nën-14-vjeçarëve erdhi në finale pasi kishte mundur në fazën e parë të turneut Lezhën me rezultatin 2-1 dhe Shkodrën me goleadë 5-1. Finalistja tjetër e turneut në këtë grup-moshë, Fieri, kishte fituar sfidën e parë të turneut ekipin e Elbasanit 3-2 pas goditjes së 11-metërshve, pasi koha e rregullt u mbyll 0-0, dhe, më pas, triumfoi ndaj Durrësit 3-1.

Turneu i ekipeve përfaqësuese rajonale për grupmoshat e Nën-15, Nën-14 dhe Nën-13-vjeçarëve ka nisur që më datë 12 janar 2021. Qëllimi i këtij turneu është evidentimi i talenteve të reja që militojnë në kampionatet rajonale të FSHF-së dhe vëzhgimi i tyre nga stafi i ekipeve Kombëtare. Në këtë turne marrin pjesë ekipet përfaqësuese rajonale të këtyre 3 grupmoshave nga Tirana, Durrësi, Fieri, Shkodra, Elbasani, Korça, Lezha dhe Gjirokastra.

Nën-15-vjeçarët

(datëlindja 2008)

Ekipet: Tiranë, Korçë, Shkodër, Lezhë

Të enjten,14 janar 2021:

(Kompleksi Sportiv “Qendra Ekipeve Kombëtare”, Kamëz)

Gjysmëfinalet:

Tirana – Lezha                      2-1

Korça – Shkodra                   2-2 (3-4 pas 11-m.)

Ndeshja finale:

Tirana – Shkodra                  5-1

Ndeshja për vendin e 3-të & të 4-t:

Lezha – Korça                       8-0

Ekipet: Fier, Elbasan, Durrës, Gjirokastër

Të shtunën, 16 janar 2021:

(Aneksi i Stadiumit “Loni Papuçiu”, Fier)

Gjysmëfinalet:

Fieri – Elbasani                     0-0 (3-2 pas 11-m.)

Durrësi – Gjirokastra             9-0

Ndeshja finale:

Fieri – Durrësi                        3-1

Ndeshja për vendin e 3-të & të 4-t:

Elbasani – Gjirokastra         5-1

Faza finale

Të hënën,18 janar 2021:

(Kompleksi sportiv “Qendra Ekipeve Kombëtare” Kamëz)

Finalja:

Tirana – Fieri                         1-0

Ndeshja për vendin e 3-të & 4-t:

Durrësi – Shkodra                0-0 (0-3 pas 11-m.)