ASNN – Kupa e Spanjës, drejtpërdrejt në RTS Sport, pas Leganes-Sevilja 0-1 të shtunën, të dielën erdhi përballja Alkorkon-Valencia 0-2. Kupa e Spanjës është një nga ekskluzivitetet e Rrjetit të Radio-Televizionit Shqiptar dhe të dielën ka ardhur në kanalin RTSH Sport takimi midis Alkorkonit dhe Valencias. Ky takim, i vlefshëm për turin e 32-shes, është fituar nga miqtë me rezultatin 2-0, me nga një gol për secilën pjesë loje.
Përveç Kupës së Ligës Angleze dhe Kupa e Gjermanisë, një nga ekskluzivitetet e spikatura sportive të Rrjetit të Radio-Televizionit Shqiptar është edhe Kupa e Spanjës, apo siç njihet ndryshe, Kupa e Mbretit. Kjo veprimtari po luan këto ditë takimet e turit të saj të 32-shes dhe duelet më të forta po vijnë në kanalin RTSH Sport të transmetuesit publik.
Pasi ka sjellë të shtunën duelin Leganes-Sevilja, që u fitua nga skuadra mike me një gol të vetëm në kohën shtesë, të dielën ka ardhur drejtpërdrejti dueli midis Alkorkonit dhe Valencias. Pjesa e parë e kësaj sfide është mbyllur me epërsinë minimale të Valencias, që ka gjetur rrugën e rrjetës në minutën e 12-të, me anë të Koindredit. Pjesa e dytë do të jetë e hapur dhe e luftuar nga të dyja skuadrat.
Por Valencia do të gjejë edhe një gol tjetër 13 minuta para fundit të kohës së rregullt, me Vajehon. Valencia fiton kështu me rezultatin 2-0 dhe siguron vendin në turin e 16-shes. Ndërkohë, të mërkurën vjen në RTSH Sport, duke nisur nga ora 21:00, takimi Alkojano-Real Madrid, ndërsa të enjten, po në të njëjtën orë, përballja Korneja-Barcelona.
