ASNN – Drejtori i “Dukati”-t, Paolo Çabati, përpara nisjes së Botërorit të 2021-shit, në Moto GP, ka sulmuar “Hondën”, duke vënë theksin se, pa Mark Markez, skuadra japoneze nuk fiton dot. Ndërsa ka deklaruar se “Dukati” i këtij sezoni është më i mirë se ai i vitit të kaluar. Ishte një nga debatet më të mëdha të Kampionatit Botëror të Moto GP-së para-sezonit 2020, beteja e ashpër dialektike që drejtuesit kryesorë të “Dukati”-t dhe “Hondës” bënë për sukseset e fundit të fabrikës së japoneze në nivelin më të lartë. Një debat që duket se dëshiron të rindezë markën nga Bolonja nëse marrim si referencë fjalët e fundit të Paolo Çabatit në “’Speedweek”.
“Kur them Mark Márkez, duket sikur ne po flasim për një pilot të jashtëzakonshëm, – ka deklaruar drejtuesi i skuadrës italiani. – Unë nuk dua të zhgënjej askënd te “Honda”, por mendoj se sezoni 2020 ka treguar se Mark Márkezi ka sjellë një ndryshim të madh te skuadra japoneze. Nuk mund të mohohet se Marku ka qenë e vetmja figurë kryesore te “Honda” gjatë 6 ose 7 viteve të fundit.” Më pas ai nënvizon fundin e mirë të sezonit, që Áleks Márkezi dhe Stefan Bradli kanë pasur me motorin “RC213V” dhe paraqitjet e mira të Taka’aki Nakagamit, teksa thotë: “Në 2020 Nakagami ka qenë piloti më i mirë i “Hondës” në shumicën e kohës.”
“Aleks Márkezi është paraqitur mirë në pjesën e tretë e të fundit të sezonit, – ka vijuar ai. – E njëjta gjë vlen edhe për Stefan Bradlin, i cili u bë gjithnjë e më i fortë në fund të sezonit.” Drejtori sportiv i “Dukati”-t ka bërë autokritikë në lidhje me paraqitjen e motorit “Dezmosediçi GP20”, duke deklaruar se epidemia e virusit korona i pengoi teknikët e komanduar nga Xhixhi Dal’Inja të përsosnin përmirësimet që ata kishin menduar: “Për shkak të mënyrën se si është ndërtuar motori ynë, ne kemi vuajtur pak më shumë nga gomat e reja të pasme sesa rivalët tanë, gjithashtu edhe “Jamaha” dhe “Suzuki”, – ka thanë Çabati.
“Por unë nuk dua të mohoj rezultatet e tyre, sepse ata kanë bërë një punë të shkëlqyer, – ka vijuar ai. – Ne thjesht nuk patëm kohë t’i zhvillonim idetë tona të reja sa duhet në praktikë, t’i vinim në provë dhe vetëm pastaj t’i aplikonim në gara. Kur bëmë garën e parë në Herez, pilotët tanë nuk kishin qenë në motor që nga testi i Katarit, pra, prej 5 muajsh. Përveç kësaj, inxhinierët tanë ishin larguar nga zyra jonë qendrore për javë të tëra për shkak të karantinës”. Por Paolo Çabati dërgon një mesazh optimizmi te tifozët, duke deklaruar se “Dezmosediçi GP21| do të jetë një motor shumë më i ekuilibruar dhe i përshtatur me gomën e pasme “Michelin”, që do të lejojë Xhek Millerin, Peko Banjajan dhe Johan Zarkonë të luftojnë për podiume.
