ASNN – Historia e modës sportive ka treguar se pavarësisht larmishmërisë së modeleve dhe karakteristikave të tyre, janë klasiket ato që qëndrojnë në kohë dhe nuk dalin asnjëherë nga moda. “Classic Leather” nga “Reebok” i ka padyshim të gjitha cilësitë e një klasikeje të vërtetë.

Që nga momenti i daljes në treg në vitet 1980-të dhe deri në ditët e sotme, ku tregu i atleteve ka kaluar çdo pritshmëri, “Classic Leather” vazhdon të mbetet përfaqësuesi më i mirë i markës Rebook dhe vazhdon të pëlqehet me të njëjtin intensitet. Në momentet e para të prezantimit, ishin atletët ata që e veshën duke përshkuar distanca të largëta dhe komode.

Modeli u përdor gjithashtu në palestra, ku “bodybuilder”-at më të mëdhenj të periudhës treguan forcën e tyre të padiskutueshme nën figurën e “Classic Leather”. Por një klasike e vërtetë nuk mund të mjaftohej me kaq. Në fillim të viteve 1990-të, “Classic Leather” u bë një ikonë e stilit urban dhe gjendej kudo që kishte të rinj dhe atmosferë festive.

Sot, e veshur nga njerëz të të gjitha grupmoshave dhe kulturave, “Classic Leather” është atletja që i përshtatet të gjithëve. Si karakteristikë e saj qëndron lëkura e butë dhe dizajni i thjeshtë, detaje që e bëjnë të kombinueshme me gjithçka. Një model për mos tu humbur!