ASNN – Në Sarandë janë të gjithë gati për derbin me Luftëtarin, që do ta luajnë sot në stadiumin “Andon Llapa”. Tifozët janë ndërgjegjshëmdhe e dinë që gjirokastritët, gjatë gjithë javës, janë marrë me deklarata mediatike për fitoren e tyre në Sarandë.

“Mirëpo, – thonë tifozët e Butrintit në faqen e tyre në “Facebook”, – ne besojmë se sot, përveç golave të zakonshëm të Jasmin Raboshtës, ndeshjen do ta vendosë kapiteni ynë legjendar Muço.”

Ndërkohë në të njëjtën linjë me fansat është dhe sulmuesi peqinas i Butrintit, Erjon Mustafajai, i cili nga “Facebook”-u i tij ka deklaruar: “Ndeshjen do ta fitojmë ne. Nuk kemi frikë nga ekipet që vijnë të luajnë në Sarandë.”

“Vetëm fitore, vetëm fitore”, – ka shtuar ai. Sakaq në Sarandë gjithçka është gati.