ASNN – 12 skuadra do të marrin pjesë në një turne tenisi që do të zhvillohet në Melbërn të Australisë, nga data 1, deri më 5 shkurt 2021. Ekipet përbëhen nga 4 tenistë. Serbia drejtohet nga Novak Gjokoviçi, ndërsa Spanja nga Rafael Nadali. Në këtë turne do të marrin pjesë 14 nga 15 tenistët më të mirë në renditjen botërore. Kështu, janë konfirmuar tanimë 12 ekipe kombëtare do të marrin pjesë në Kupën “ATP”, që do të zhvillohet në kompleksin “Melbërn Park” në 5 ditët e para të shkurtit 2021.

Turneu do të zhvillohet në të njëjtat fusha që do të presin më vonë Turneun e Hapur të Australisë (Australian Open 2021). Finalistët e vitit 2020, janë Serbia, që udhëhiqet nga numri një në botë, Novak Gjokoviçi, por edhe Spanja, që drejtohet nga numri 2 në renditjen botërore, Rafael Nadal. Lista e skuadrave finaliste plotësohet nga Argjentina, Italia, Austria, Japonia, Rusia, Franca, Greqia, Kanadaja, Gjermania dhe Australia.

Në këto ekipe luajnë 14 nga 15 tenistët më të mirë në renditjen botërore. Vetëm Rozher Federer do të mungojë, pasi nuk do të rishfaqet në fushë deri në mars, megjithëse nuk do të kishte luajtur sërish, pasi Zvicra nuk merr pjesë në këtë turne. Renditja për Kupën “ATP” për 2021-shin bazohet në renditjen e lojtarëve individualë të renditur më lart nga secili vend.

Australia është ndër ato që skuadra që zgjidhen me statusin e vendit mikpritës. Serbia është kampione në fuqi e këtij turne, pasi vitin e kaluar, mundi Spanjën 2-1 në finale. Shorti do të hidhet në 20 janar 2021, ku të 12 ekipet do të ndahen në katër grupe me nga tre skuadra për turin e parë. Katër fitueset e grupeve kalojnë në gjysmëfinale.