ASNN – Mund 3-1 Stouk Sitin, takimi erdhi drejtpërdrejt në RTSH Sport. Pasi ka njohur të martën dy gjysmëfinalistet e para, Kupa e Ligës Angleze, një ekskluzivitet sportiv madhor i Rrjetit të Radio-Televizionit Shqiptar, ka njohur të mërkurën edhe gjysmëfinalisten e 3-të.
Të 4 duelet çerekfinale janë sjellë për sportdashësit nga transmetuesi publik dhe të mërkurën ka ardhur fillimisht në kanalin RTSH Sport përballja midis të papriturës tjetër e kësaj, Stouk Siti e cila ka sfiduar Tohenhemin e trajnerit Zhoze Murinjo. Por nuk ka patur shumë histori kjo ndeshje, pasi miqtë e mbyllin pjesën e parë në epërsi, falë një goli të Gareth Bejlit në minutën e 22-të.
Por Stouk Siti ka barazuar shifrat në minutën e 53-të, me anë të Xhordan Tompsonit. Shpresat e vendasve për një rezultat historik kanë marrë një goditje në minutën e 70-të, kur Dejvis rikthen Totenhemin në epërsi. Gjithçka vuloset 11 minuta më pas dhe 9 minuta para fundit të kohës së rregullt, kur Herri Kejn shënon golin që fikson rezultatin përfundimtar në 3-1 dhe Totenhemi siguron vendin në gjysmëfinale krahas Brentfordit dhe Mançester Sitit.
