ASNN – Federata Shqiptare e Futbollit ka bërë të ditur se UEFA ka përcaktuar tashmë kalendarin e ndeshjeve të Kombëtares shqiptare të Nën-21-vjeçarëve, pas situatës së krijuar nga shpërthimi i epidemisë së virurit “COVID-19”.

Shpresat kuqezi, të drejtuara nga trajneri Alban Bushi do të zhvillojnë gjithsej pesë ndeshje, ku një prej tyre do të jetë ndeshja miqësore ndaj përfaqësueses së Nën-21-vjeçarëve të Sllovenisë dhe 4 sfidat e tjera janë të vlefshme për Eliminatoret e Euro 2021.

Gjithashtu, bëjmë me dije se është ndryshuar rregullorja për këtë veprimtari dhe, sipas rregullave të reja, janë hequr “play-off”-et dhe në Evropian shkojnë 9 ekipet e renditura në vendin e parë në secilin grup, 5 vendet e dyta më të mira si edhe vendet organizatore të “EURO 2021”, Sllovenia dhe Hungaria.

Përballjet e kuqezinjve do të zhvillohen në muajt shtator, tetor dhe nëntor 2020, sipas këtij kalendari:

4 shtator 2020           Austri – Shqipëri

8 shtator 2020           Shqipëri – Andorra

8 tetor 2020               Shqipëri – Slloveni (Miqësore)

13 nëntor 2020         Kosovë – Shqipëri

17 nëntor 2020         Angli – Shqipëri