ASNN – Sipas asaj që raportojnë mediat e Prishtinës, lojtarët dhe personeli i FC Dritës kanë rezultuar negativë për virusin korona. Lajmin e ka konfirmuar vetë ekipi përmes një njoftimi në profilin e vet zyrtar në rrjetin social “Facebook”.
FC Drita tutje ka njoftuar se, pas daljes së rezultateve, seancat grupore të stërvitjes do të vazhdojnë siç është planifikuar. Gjatë ditës, edhe ekipi i KF Trepça ’89 ka njoftuar për rezultate të njëjta, negative, në testet për virusin “Covid 19”.
Ekipi mitrovicas ka shkruar gjithashtu në profilin e vet zyrtar në “Facebook” se lojtarët dhe stafi i klubit janë testuar të shtunën në Stadiumin “Riza Lushta”. “Klubi jonë sot mori lajmin e mirë sepse sot dolën testet për Covid 19”, – shkruhet në njoftim.
“Të gjithë lojtarët dhe stafi i klubit rezultuan negativ ndaj virusit. Ju urojmë të gjithë klubeve dhe sportistëve të kalojnë testet ndaj virusit “Covid-19”, – përfundon njoftimi i klubit nga Mitrovica.
