ASNN – Kapërcehet pengesa më e madhe, ulja e kufirit të buxhetit në 145 milionë $ për çdo skuadër. Pas javëve të tëra diskutimesh për ndryshimet e mundshme me qëllim shkurtimin e kostove dhe përmirësimin e spektaklit të garës, propozimet e mbiquajtura “Marrëveshja e re” e Formulës 1, u hodhën për votim elektronik dhe u miratuan të premten.
Ndonëse ende nuk është shpallur zyrtarisht, është konfirmuar se skuadrat i mbështetën këto ndryshime, që përfshijnë uljen e kufirit të lejuar të shpenzimeve për skuadrat e Formulës 1, nga 175 milionë $, në 145 million $ për vitin e ardhshëm. Skuadrat e Formulës 1 kanë miratuar kështu një paketë ndryshimesh radikale që synon sigurimin e të ardhmes së sportit pas krizës së shkaktuar nga epidemia globale e virusit korona.
Pas javëve të tëra diskutimesh midis drejtuesve të Federatës Ndërkombëtare të Aeronautikës (FIA) dhe atyre të Formula 1 për ndryshimet e mundshme me qëllim shkurtimin e kostove dhe përmirësimin e spektaklit të garës, propozimet e mbiquajtura “Marrëveshja e re”, u hodhën për votim elektronik të premten. Ndonëse ende nuk është shpallur zyrtarisht, është konfirmuar se skuadrat i mbështetën këto ndryshime.
Ato përfshijnë uljen e kufirit të lejuar të shpenzimeve për skuadrat e Formulës 1, nga 175 milionë $, në 145 million $ për vitin e ardhshëm, por edhe sistemi i zhvillimit të aerodinamikës dhe përdorimi i pjesëve nga burime të hapura. Pika më e nxehtë e debatit në javët e fundit ka qenë kufiri i lejuar i buxhetit, me “Ferrari”-n që ngurronte ta pranonte, pavarësisht një presioni të madh nga skuadrat e tjera.
Skuadra si “MekLaren”-i kishin kërkuar të ulej në 100 milionë, por “Ferrari” e kishte bërë të qartë se nuk do të pranonte asgjë nën 145 milionë dollarë për 2021-shin, por shifra do të zbresë në 140 milionë në 2022-shin, dhe 135 milionë në vitet në vijim. Me skuadrat që i kanë miratuar tanimë ndryshimet, tanimë pritet miratimi edhe nga Këshilli Botëror i Motorsportit të FIA-s, që gjithashtu do të bëhet nëpërmjet votimit përmes Internetit.
