ASNN – Bordi i Administrimit i Konfederatës Evropiane të Volejbollit (CEV) identifikoi gjatë mbledhjes së tij në 23 prill 2020 një numër opsionesh për të rifilluar veprimtaritë e volejbollit kur kushtet lejojnë, teksa dëshira e drejtuesve të CEV-it mbetet të sigurojë sa më shumë fleksibilitet të jetë e mundur për të gjitha palët e përfshira, në mënyrë që të respektojnë vendimet dhe politikat e organizatave përkatëse ndërkombëtare të shëndetësisë dhe autoriteteve përkatëse kombëtare në të gjithë Evropën.
Shëndeti i sportistëve, trajnerëve, zyrtarëve, tifozëve, organizatorëve dhe të gjithëve të lidhur me sportin tonë mbetet përparësia jonë kryesore në këtë fazë dhe për këtë arsye duhet të mbizotërojë mbi të gjitha interesat e tjera. Në kuadrin e planit të emergjencës CEV, janë marrë vendimet e mëposhtme për garat në pritje dhe në pritje të Volejbollit Evropian në vitin 2020:
Veprimtaritë e CEV-it për Klube:
- Të ndalet sezoni 2019/2020 i të 3 Kupave Evropiane të “CEV”-it dhe të anulohen të gjitha ndeshjet e mbetura. Të mos shpallet fituesja për asnjë nga këto 3 Kupa.
- Të shtyhet afati i regjistrimit për sezonin 2020/2021 3 Kupave Evropiane të “CEV”-it deri më në 01 gusht 2020.
- Për të llogaritur të gjitha ndeshjet përkatëse të luajtura gjatë sezonit të Kupave Evropiane 2019/2020 për renditjen e sezonit 2021/2022 të Ligës së Kampioneve, Kupës “CEV” dhe Kupës “Challenge Cup”.
- Komisioni i Kupave Evropian do të shqyrtojë informacionet e dhëna nga 56 federatat anëtare në lidhje me renditjen përfundimtare të kampionateve të tyre dhe përcaktimin e vendeve për sezonin 2020/2021 të Kupave Evropiane të CEV-it, dhe të aplikojë në maksimum fleksibilitetin e nevojshëm për të respektuar investimet dhe arritjet e klubeve në të kaluarën.
Veprimtaritë e CEV-it për Ekipet Kombëtare të Të Rriturve/Rriturave
- Të anulohet Liga e Artë e Evropës dhe Liga e Argjendtë e Evropës për sezonin 2020.
- Të bëhet plani rezervë për Eliminatoret e Evropianit të Volejbollit “EuroVolley 2021”, të planifikuara nga 15 gushti, deri më 6 shtator 2020
- Afati i fundit për shtyrjen e këtyre ndeshjeve të eliminatore do të jetë 1 korriki 2020;
- Në rast se një ekipi përfaqësues i një Federate nuk mund të presë ose udhëtojë për një ndeshje, të gjendet një zgjidhje individuale.
- Data alternative për ndeshjet eliminatore që mund të shtyhen do të jetë nga 1, deri më 17 janar 2021.
- Shtyrja e mundshme e “EuroVolley 2021” do të diskutohet me 8 vendet bashkëorganizatore në përputhje me vendimin e mundshëm të FIVB-së për kalendarin ndërkombëtar:
Datat paraprake për “EuroVolley 2021” për femra: 19 gusht – 5 shtator 2021
Datat paraprake për “EuroVolley 2021” për meshkuj: 02 shtator – 19 shtator 2021
Sa u përket 4 Kampionateve të grupmoshave (U-17 dhe U-19 Femra, U-18 dhe U-20 meshkuj) që do të zhvillohen në vitin 2020, anëtarët e Bordit Administrativ kanë miratuar një plan për të ri-programuar turet eliminatore për më vonë gjatë verës. Për më tepër, CEV do të jetë në kontakt me organizatorët e Fazave Finale përkatëse, në mënyrë që të gjejë, kur është e nevojshme, data të reja të përshtatshme për realizimin e këtyre turneve. Plani i emergjencave përfshin afate kohore kur CEV do të konfirmojë organizimin aktual të të gjitha këtyre turneve, duke marrë parasysh evolucionin e pandemisë, si dhe çdo ndryshim në kufizimet aktuale të vendosura nga qeveritë kombëtare për udhëtime, ngjarje publike, etj. CEV do të sigurojë mbështetje financiare për organizatorët e të gjithë Kampionateve Evropiane të grupmoshave dhe eliminatoreve, si dhe ekipeve udhëtuese dhe do të prezantojë disa lehtësime për garat e ndryshme në favor të organizatorëve.
Po kështu, edhe sa i përket volejbollit të plazhit, CEV do të jetë në kontakt me organizatorët e ngjarjeve të “Turit Botëror” (World Tour) të planifikuar për verën e vitit 2020 dhe ka përcaktuar një afat njoftimi njëmujor për anulimin eventual të turneve të tilla. Për më tepër, CEV do të rihapë procesin e tenderimit për organizimin e të dytit, si dhe të fazës përfundimtare të Kupës Kontinentale të Volejbollit të Plazhet, fituesit eventualë të së cilës do të kualifikohen në Olimpiadën e Tokios.
