ASNN – Suedia ka është një nga vendet që ka spikatur në këtë epidemi globale, pasi ka pasur qasje ndryshe ndaj koronavirusit, duke i mbajtur shkollat e hapura e po ashtu duke lejuar punën e restoranteve dhe dyqaneve. Në një rast kryeministri Stefan Lëfven ka kërkuar nga njerëzit që të sillen si “të rritur”, pra, të përgjegjshëm. Në fakt, të martën është raportuar për 185 të vdekur në 24 orët e fundit për shkak të “Covid-19”, që është numri më i madh deri më tani.
Por sipas autoriteteve përgjegjëse ky numër është kaq i madh për shkak të vonesës në raportim për rastet e fundjavës. Të dielën Suedia ka raportuar 29 të vdekur, për shkak të koronavirusit, ndërsa të hënën 40. Gjithsej, nga koronavirusi kanë vdekur 1765 persona në Suedi, raportojnë mediat britanike. Por klubet e futbollit synojnë të nisin garën, pavarsisht rëndimit të gjendjes.Kampionati në Suedi është dashur të nis në fillim të prillit, por është shtyrë pa afat.
Të martën, dy ligat kryesore të kampionatit të futbollit në Suedi kanë njoftuar se shpresojnë që të fillojnë edicionin më 14 qershor 2020 dhe me shikues në stadiume. Dy nivelet më të larta të këtij kampionati, “Allsvenskan” dhe “Superettan”, kanë njoftuar se e kanë caktuar 14 qershorin si datë të fillimit. “Që kur kampionati u shty, synimi ishte që të luhen ndeshjet e para në fillim të qershorit, – thuhet në një komunikatë të autoriteteve futbollistike suedeze. – Tani mund të themi se data për të cilën po punojmë është 14 qershori. Synimi ende është të luhen të gjitha ndeshjet me shikues në stadiume.”
