ASNN – UEFA ka mohuar se 3 gushti është afati përfundimtar për të mbyllur sezonin e Ligës së Kampioneve. Në një raportim të transmetuesit gjerman ZDF, është cituar presidenti i UEFA-s, Aleksander Çeferin, të ketë thënë që gara duhet të përfundohet deri në atë datë.

“Është raportuar se presidenti i UEFA-s, Aleksander Çeferin ka thënë për ZDF-in në Gjermani se Liga e Kampionëve duhet të përfundohet deri më 3 gusht 2020. Por, kjo nuk është e vërtetë. Presidenti ka qenë shumë i qartë që të mos jap datë të saktë për mbylljen e sezonit”, thuhet në komunikatën për shtyp të organizmit që qeveris futbollin kontinental.

“Grupi i punës, i ngritur  më 17 mars, ka përparësi që të përmbyllen kampionatet vendase dhe Kupat e Evropës. Përparësia e të gjithë anëtarëve të grupit të punës është që të ruhet shëndeti publik. Duke pasur këtë parasysh, duhet të gjendet një zgjidhje kalendarike për të kompletuar gjitha garat”, – përfundon komunikata e UEFA-s.

Klikoni videon e mëposhtme për kronikën e plotë.