ASNN – Zhvillohet video-konferenca e Sekretarëve të Përgjithshëm të federatave, zbardhen vendimet. Komiteti Ekzekutiv i UEFA-s ka marrë një seri vendimesh. Kështu, organizmi që qeveris futbollin kontinental ka vendosur që të gjitha ndeshjet e ekipeve kombëtare për meshkuj dhe femra, që duhej të luheshin në qershor të vitit 2020 shtyhen deri në njoftimin e mëtejshëm. Kjo përfshin ndeshjet e “play-off”-eve për Euro 2020-ën dhe ndeshjet eliminatore për Evropianin e 2021-shit për futbollin e femrave.
“Nuk ka futboll në prill dhe maj.” Kështu ka vendosur UEFA, e cila ka sqaruar gjithashtu edhe kur do të rinisin kampionatet. Pas një takimi me zhvilluar nëpërmjet video-konferencës me Sekretarët e Përgjithshëm të të 55 federatave anëtare të UEFA-s, ku është analizuar situata kaotike e krijuar nga Covid 19, e cila ka prekur edhe futbollin duke e paralizuar thuajse në gjithë botën, dhe duke ngritur shumë pikëpyetje për sa i përket fateve të sezonit.
Ky takim ka shqyrtuar rekomandimet e bëra nga grupet e punës të krijuara më 17 mars dhe Komiteti Ekzekutiv i UEFA ka marrë një seri vendimesh. Kështu, organizmi që qeveris futbollin kontinental ka vendosur që të gjitha ndeshjet e ekipeve kombëtare për meshkuj dhe femra, që duhet të luhen në qershor të vitit 2020 shtyhen deri në njoftimin e mëtejshëm. Kjo përfshin ndeshjet e play-off-it për Euro 2020-ën dhe ndeshjet eliminatore për Evropianin e 2021-shit për futbollin e femrave.
Të gjitha ndeshjet e tjera të garave të UEFA-s, përfshirë edhe miqësoret ndërkombëtare, mbeten të shtyhen deri në njoftimin e mëtutjeshëm. Po kështu, 4 veprimtari të ekipeve përfaqësueses të të rinjve, të planifikuar për periudhën maj-korrik 2020, janë anuluar. Ndërkohë, finalja e Ligës së Kampionëve në futsal, të planifikuar për prillin e vitit 2020 shtyhet deri në një njoftim të mëtejshëm.
Sa u përket afateve në lidhje me të gjitha veprimtaritë kontinentale të klubeve për sezonin 2020-2021, UEFA ka vendosur që ato shtyhen deri në njoftimin e mëtejshëm, veçanërisht në lidhje me procesin e pranimit dhe regjistrimin e lojtarëve. UEFA do të përcaktojë afate të reja në kohën e duhur.
