ASNN – Qindra apartamente luksoze me pamje nga Gjiri i Tokios që duhej të shndërroheshin në fshatin olimpik të atletëve, kanë mbetur pa u shitur. Shtohet kështu një dhimbje koke më shumë për organizatorët e Lojërave Olimpike në Tokio, që nga shtyrja historike e olimpiadës së këij viti. Aty do të strehoheshin rreth 11,000 konkurrentë, e apartamentet me pamje mahnitëse të qytetit, kanë një çmim prej 1.5 milion dollarë.
Vendimi për të shtyrë Lojërat me një vit i ka futur blerësit në pasiguri, sipas Zoe Uord, drejtori i “Tokio Estate Central”, kur kanë mbetur edhe 900 njësi tashmë të bllokuara. Në këtë projekt, pra në apartamentet që do të ndërtoheshin aty, do të akomodoheshin edhe sportistët por edhe shumë familje, sigurisht me të ardhura të mira, të cilat do të arrinin t’i blinin ato. Por shtyrja e Lojëra Olimpike i ka trembur disi blerësit, të cilët duket se janë tërhequr.
Por organizatorët e “Tokio 2020” sigurojnë se ky hezitim i blerësve të apartamenteve nisi që me shfaqjen e koronavirusit dhe nuk ka të bëjë aspak me shtyrjen e Lojërave. Sapo të vendoset data e saktë se kur do të zhvillohet Olimpiada në 2021-shin, atëherë me siguri që do të nisin sërisht blerjet e apartamenteve. Që janë me të vërtetë një burim i sigurt të adhurash për buxhetin e lojërave. Por një tjetër shqetësim për organizatorët e Tokio 2020, është edhe se ato apartamente mund të dëmtohen nëse do të lihen ashtu. Pasi fshati olimpik do të jetë pjesë e trashëgimisë Olimpike.
