ASNN – Atletja dhe trajneri i saj, Stërmasi, “odise” të vërtetë në udhëtimin e tyre për shkak të koronavirusit. Shpërthimi i epidemisë së koronavirusit ka shkaktuar mjaft probleme për sportistët dhe sportin shqiptar. Për rrjedhojë, ka qenë një odise më vete ajo e udhëtimit të sportistes Luiza Gega dhe trajnerit të saj, Taulant Stërmasi, drejt Kenias, atje ku do të zhvillojnë një fazë të dytë stërvitore në përgatitje për Lojërat Olimpike “Tokio 2020”.
Atletja Luiza Gega dhe trajneri i saj, Taulant Stërmasi, kanë mbërritur në Kenia, atje ku do të zhvillojnë një fazë të dytë stërvitore në përgatitje për Lojërat Olimpike “Tokio 2020”. Në fakt, ata kanë arritur ta bëjnë një gjë të tillë përkundër gjithë gjendjes së jashtëzakonshme të krijuar për shkak të shpërthimit të epidemisë së koronavirusit. Në fakt, ka qenë një odise më vete ajo e udhëtimit të sportistes dhe trajnerit të saj drejt vendit afrikan.
Atje ku janë grumbulluar për t’u stërvitur thuajse të gjithë atletët dhe atletet më të mira të botës në garat e thellësisë dhe gjysmëthellësisë. Siç dihet, Afrika është një nga kontinentet më pak të prekura nga epidemia e koronavirusit, me afro 376 raste të prekurish në 25 vende të saj, por vetëm me 7 persona që kanë humbur jetën. Gega dhe Stërmasi kanë udhëtuar drejt Stambollit, atje ku u është dashur të përballen me polemika të shumta me zyrtarët vendas në aeroportin e Stambollit, të cilët më në fund kanë dhënë dritën jeshile.
Ndërkaq, me të mbërritur në Kenia në mëngjesin e së martës, sportistja dhe trajneri janë pajisur me viza për të vijuar më tej udhëtimin e tyre drejt Itenit, në verilindje të vendit, atje ku ndodhet edhe kampi stërvitor i njohur mbarëkombëtarisht. Siç dihet, anulimi i Kampionatit Botëror të Atletikës në Salla të Mbyllura, i cili është shtyrë për vitin që vjen dhe do të zhvillohet në Nanxhing të Kinës, për vitin që vjen, krijoi probleme për atleten shqiptare sa i përket përgatitjeve për Lojërat Olimpike të kësaj vere.
Ato supozohen të mbahen në Tokio, por, që janë gjithashtu në dyshim sa i përket organizimit në kohë, edhe për shkak të përhapjes së epidemisë së koronavirusit në shkallë globale. Gega do të zhvillojë fazë të dytë stërvitore 7-javore në Kenia, pas asaj me një njëjtën gjatësi kohe që zhvilloi midis dhjetorit të vitit të shkuar dhe janarit të këtij viti.
