ASNN – Real Sociedadi mund Mirandesin 2-1 në shtëpi, takimi erdhi drejtpërdrejt në RTSH Sport. Është mbyllur me fitoren 2-1 të Real Sociedadit përballja e parë me Mirandesin, e vlefshme për gjysmëfinalet e Kupës së Spanjës. Ndeshja u soll për sportdashësit drejtpërdrejt në Rrjetin e Radio-Televizionit Shqiptar në kanalin RTSH Sport.

Kupa e Spanjës ka luajtur të enjten ndeshjen e parë të çiftit të dytë gjysmëfinal dhe shorti ka vënë përballë Real Sociedadin e Primera Division me Mirandesin që militon në nivelin e dytë të kampionatit, që njihet si Segunda Division. Ndeshja që u soll për sportdashësit drejtpërdrejt në Rrjetin e Radio-Televizionit Shqiptar në kanalin RTSH Sport, ka qenë e luftuar.

Dhe vendasit kanë kaluar në epërsi pas vetëm 9 minutash lojë, me anë të Ojarzabalit. Në një takim të hapur, miqtë do ta synojnë portën e Sociedadit dhe do të arrijnë, në minutën e 39-të, të gjejnë edhe rrugën e rrjetës, por edhe falë një devijimi të mbrojtjes vendase. Megjithatë, 3 minuta më pas, vendasit do të rikthehen në epërsi, kur, përtej përpjekjeve heroike të portierit mik, është Ëdegardi ai që e mposht në përpjekjen e 3-të dhe gjen golin e dytë të Real Sociedadit.

Përtej përpjekjeve të miqve për të gjetur golin e barazimit dhe vendasve për të gjetur një gol të 3-të që do të vlente shumë për ndeshjen e kthimit, është mbyllur me fitoren 2-1 të Real Sociedadit kjo përballje e parë gjysmëfinale me Mirandesin.