ASNN – 4,164,948 vetë ndoqën nga afër të 21 Çmimet e Mëdha të Botërorit të këtij sezoni. Një Botëror që lëviz me shpejtësi marramendëse, por që ndiqet po ashtu nga gjithnjë e më shumë njerëz. 8 prej Çmimeve të Mëdha të këtij viti në Formula 1 u ndoqën nga më tepër se 200,000 spektaktorë. Ndërsa interesi përgjatë gjithë fundjavës u rrit me 1.75%, numri i spektatorëve gjatë ditës së garës, ditës së diel, u rrit me 4%, krahasuar me vitin 2018.
Në mbyllje të sezonit, Formula 1 ka bërë të ditur edhe shifrat e tifozëve që ndoqën garat gjatë vitit 2019 dhe ato janë mbresëlënëse. 8 prej Çmimeve të Mëdha të këtij viti u ndoqën nga më tepër se 200,000 spektaktorë dhe, ndërsa interesi përgjatë gjithë fundjavës u rrit me 1.75%, numri i spektatorëve gjatë ditës së garës, ditës së diel, u rrit me 4%, krahasuar me vitin 2018.
Ashtu si në 2018-ën, më tepër se 4 milionë spektatorë, apo më saktësisht 4,164,948 vetë ndoqën nga afër të paktën të 21 Çmimet e Mëdha të Botërorit të këtij sezoni të Formulës, çka përfaqëson një rritje me 1.75%, pavarësisht anulimit të seancës së të shtunës të Çmimit të Madh të Japonisë për shkak të Tajfunit Hagibis. Me pak fjalë, pjesëmarrja e tifozëve për çdo garë gjatë 2019-ës ishte 202,146.
Tri Çmimet e Mëdhenj që kishin më tepër 300,000 spektatorë gjatë fundjavës ishin ai i Britanisë së Madhe, me 351,000, ai i Meksikës, me 345,694 dhe ai i Australisë, me 324,100, ndërsa 8 të tjerë më tepër se e 3-ta e numrit të përgjithshëm të garave, u ndoqën më tepër se 200,000 spektatorë, për atë të Singaporit dhe atë të SHBA-së, me nga 268,000 secili, atë të Belgjikës, me 251,864, atë të Hungarisë, me 230,000 dhe atë të Austrisë, me 203,000.
Vlen të theksohet se, në edicionin e tij të 90-të, Çmimi i Madh i Italisë, në Monza, regjistroi numrin më të madh të tifozëve në fundjavë, me 200,000 spektatorë. Rritjen më domethënëse, krahasuar me 2018-ën, e njohën gara e Montrealit, me 14.69%, e Shanghait, me 10.34%, e Melbërnit, me 9.86%, ajo e Spilbergut, me +9.73%, ajo e Budapestit, me 9.52% dhe ajo e Monzës, me +9.29%.
