ASNN – 20 pjesëmarrës në kursin intensiv të mbështetur nga Federata Shqiptare e këtij sporti. Me mbështetjen e Federatës Shqiptare të Peshëngritjes, është zhvilluar përgjatë ditëve të fundjavës seminari 3-ditor i peshëngritjes, ku morën pjesë afro 20 sportistë, trajnerë apo të pasionuar pas peshëngritjes dhe palestrës dhe ushtrimeve fizike. Sipas organizatorëve, ky seminar synoi të sjellë disa risi në këtë drejtim teksa peshëngritja po del nga kufinjtë e ngurta të sportit.

Është mbyllur të dielën në kryeqytet seminari 3-ditor i peshëngritjes, një nismë që ka për qëllim përgatitjen e trajnerëve të rinj dhe që ka gjetur edhe mbështetjen e Federatës Shqiptare të Peshëngritjes. Për njërin prej lektorëve, Marsild Xhemollari, ky seminar synoi të sjellë disa risi në këtë drejtim. Kurse për ideatorin dhe organizatorin e këtij seminari, ish-shtangistin e njohur, Ervis Tabaku, peshëngritja po del nga kufinjtë e ngurtë të sportit.

I pranishëm në ceremoninë e dorëzimit të certifikatave, të mbajtur në palestrën “The Lab 365” të Tabakut në kryeqytet, krahas Presidentit të Federatës Shqiptare të Peshëngritjes, Theodhor Masllavica, ka qenë edhe Drejtori i Politikave dhe Strategjisë për Rininë dhe Sportin në Ministrinë e Arsimit, Sportit dhe Rinisë, Arian Konomi, i cili i ka cilësuar nisma të tilla të dobishme për promovimin e një jetese të shëndetshme. Në këtë seminar 3-ditor morën pjesë afro 20 sportistë, trajnerë apo të pasionuar pas peshëngritjes dhe palestrës dhe ushtrimeve fizike.