ASNN – Të mëdhatë shmangin të papriturat, kualifikohen 10 të Superiores e 6 të Së Parës. Veprimtaria e dytë e futbollit në vend, Kupa e Shqipërisë, ka njohur të mërkurën 16 skuadrat që vijojnë më tej rrugëtimin e tyre dhe 6 prej tyre janë ekipe të Kategorisë Superiore, ndërsa 6 të tjerat të Kategorisë së Parë. Janë luajtur të mërkurën 12 takimet e mbetura të ndeshjeve të kthimit të turit të 32-shes së Kupës së Shqipërisë dhe pasi ka njohur të martën 3 skuadrat e para të kualifikuara, 24 orë më pas janë mësuar edhe 12 skuadrat e tjera që vijojnë më tej në turin e 16-shes.

Sa i përket çiftit të fundit, atij Apolonia-Kamza, kjo e fundit është përjashtuar për dy vjet nga Kupa, pasi në takimin e parë, që duhet të luhej në Fier, skuadra mike nuk u paraqit. Kësisoj, skuadra fierake kualifikohet për më tej pa luajtur asnjë ndeshje dhe duke i marrë fitoret në tavolinë. Në grupin A, Partizani i fitoi të dy takime, 3-0 dhe 1-0 ndaj Vorës, ashtu sikundër bëri edhe Teuta që mposhti 2-0 dhe 6-2 Tërbunin e Pukës. Megjithëse u ndal pa gola në Shënkoll përballë vendasve në ndeshjen e parë, Tirana ka fituar 4-0 në ndeshjen e kthimit në kryeqytet dhe bardheblutë kualifikohen për më tej.

Edhe Flamurtari ka shmangur ndonjë të papritur të pakëndshmem duke fituar 5-0 në Vlorë dhe duke lënë pas atë humbje me shifrat 2-3 në Koplik përballë Veleçikut. Kastrioti ka fituar minimalisht në fushën e vet në derbin me Ilirinë e Fushë-Krujës dhe kualifikohet falë golit të shënuar në fushë të huaj në humbje 1-2 në takimin e parë. Edhe Vllaznia i ka fituar të dy takimet, 1-0 dhe 2-0, përballë Burrelit, ashtu sikundër ka bërë edhe Erzeni, që, pasi e mundi thellë, 3-0 Dinamon, në ndeshjen e parë, e ka mundur edhe në ndeshjen e kthimit 1-0.

Edhe Besëlidhja u kualifikua me gol në fushë të huaj ndaj Korabit, pasi fitoi 1-0 në Lezhë, ndërsa takimi i parë në Peshkopi ishte fituar nga vendasit 2-1. Ndërkaq, në grupin B, Kukësi, që fitoi me shifrat 3-1 në Peqin përballë Shkumbinit, ka vijuar të triumfojë thellë, 6-0, në ndeshjen e kthimit të luajtur të martë. Skënderbeu, që pati fituar me shifrat 4-1 në derbin me Devollin, u mund 0-2, po u kualifikua për më tej, ashtu siç bëri edhe Laçi, që mposhti Elbasanin 4-0, ndërsa takimi i parë midis tyre ishte mbyllur pa gola.

Bylisi u mund 1-2 në ndeshjen e kthimit, por fitorja 4-0 në Pogradec në ndeshjen e parë i ka mundësuar kualifikimin. Edhe Luftëtari, i cili fitoi në fushë të minimalisht ndaj Turbinës në Cërrik, ka vijuar të mos gabojë të martën duke fituar 2-1 edhe në ndeshjen e kthimit, ashtu siç ka bërë edhe Lushnja fitoi 2-1 përballë Orikut në takimin e parë, por ka vijuar të fitojë 2-0 edhe në kthim me bregdetarët.

Kupa e Shqipërisë

Ndeshjet e kthimit të turit të 32-shes

Grupi A

TEUTA – Tërbuni Pukë                   (2-0)    6-2

FLAMURTARI – Veleçiku Koplik   (2-3)    5-0

TIRANA – Shënkolli                         (0-0)    4-0

KASTRIOTI – Iliria Fushë-Krujë     (1-2)    1-0

VLLAZNIA – Burreli                          (0-1)    2-0

Dinamo – Erzeni Shijak               (0-3)    0-1

BESËLIDHJA – Korabi Peshkopi  (1-2)    1-0

PARTIZANI – Vora                           (3-0)    1-0

Grupi A

SKËNDERBEU – Devolli                (4-1)    0-2

LAÇI – Elbasani                                (0-0)    4-0

LUFTËTARI – Turbina Cërrik         (1-0)    2-1

BYLIS – Pogradeci                           (4-0)    1-2

BESA – Egnatia Rrogozhinë          (1-0)    2-0

Oriku – LUSHNJA                            (1-2)    0-2

KUKËSI – Shkumbini                      (3-1)    6-0

Kamza – APOLONIA   (Aforfe)       (0-3)   0-3

Shënim: Në kllapa është shënuar rezultati i ndeshjeve të para, ndërsa me shkronja kapitale, ekipet e kualifikuara.