ASNN – Rekordmenia e 3,000 m me pengesa flet nga Doha posaçërisht për RTSH Sport. Luiza Gega është renditur e 9-ta në botë dhe ka thyer rekordin kombëtar, në një garë të jashtëzakonshme të 3,000 m me pengesa të hënën në mbrëmje dhe padyshim, atjetja kuqezi, nuk e ka fshehur kënaqësinë.
Në një garë të jashtëzakonshme të 3,000 m me pengesa ku 9 prej atleteve regjistruan kohët e tyre më të mira ose më të mirat e viti, ndërsa u thyen rekordet kombëtare të Gjermanisë, Danimarkës dhe Shqipërisë, Luiza Gega është renditur e 9-ta në botë dhe ka thyer rekordin kombëtar. dhe padyshim, atjetja kuqezi ka qenë e lumtur.
Duke folur për Rrjetin e Radio-Televizionit Shqiptar nga Doha, Luiza Gega beson se ky Botëror i Atletikës, i mbajtur në Katar, ishte një mision i përmbushur për të. Megjithatë, rekordmenia shqiptare është gjithmonë edhe më kërkuese ndaj vetes, teksa e hedh vështrimin drejt Olimpiadës së vitit të ardhshëm.
Luiza Gega e zbriti kohën e rekordit kombëtar të kësaj disipline nga 9 minuta e 22 sekonda, në 9 minuta e 19 sekonda e 99 të qindtat.
