ASNN – Përballja më e spikatur, Lushnja-Besa, vjen të shtunën drejtpërdrejt në Rrjetin e RTSH-së. Rrjeti i Radio-Televizionit Shqiptar do të sjellë për sportdashësit drejtpërdrejt takimin më të spikatur të javës së 3-të të Kategorisë së Parë, atë midis Lushnjës dhe Besës, që luhet të shtunën duke nisur nga ora 14:00. Kategoria e Parë e Kampionatit Kombëtar të Futbollit i luan të shtunën të gjitha ndeshjet e javës së 3-të në të dy grupet e saj.

Dhe, si çdo javë, Rrjeti i Radio-Televizionit Shqiptar do të sjellë për sportdashësit drejtpërdrejt takimin më të spikatur, atë midis Lushnjës dhe Besës, që luhet duke nisur nga ora 16:00. Dy prej skuadrave që i kanë dhënë tonin futbollit shqiptar edhe në Kategorinë Superiore aktualisht militojnë në grupin B, apo grupin e Jugut, aty ku myzeqarët e trajnerit Ilir Gjyla e kanë nisur mbarë, me dy fitore në po aq javë, teksa kanë shpartalluar 4-1 në shtëpi në javën e parë Shënkollin.

Ppër të vijuar në atë të dytën të triumfojnë 2-1 në derbin myzeqar me Apoloninë. Ndërsa Besa, e cila e nisi me atë humbje 1-2 me Orikun në fushë të huaj në javën e parë, u rikthye tek fitorja në atë të dytën, duke mundur 2-0 në Kavajë Elbasanin. Në takimet e tjera të grupit B, që luhen të gjitha duke nisur nga ora 16:00, Oriku pret Pogradecin, Devolli viziton Elbasanin, Turbina përballet në Cërrik me Apoloninë, ndërsa Iliria ndeshet në Fushë-Krujë me Shënkollin.

Ndërkaq, në takimet e grupit A, që gjithashtu luhen të gjitha duke nisur nga ora 16:00, Besëlidhja pret në Lezhë Egnatian e Rrogozhinën, Kastrioti është mysafir në Koplik për t’u ndeshur me Veleçikun, Tërbuni përballet në Pukë me Korabin e Peshkopisë, Shkumbini ndeshet në Peqin me Erzenin, kurse Dinamo udhëton drejt Burrelit për t’u ndeshur me skuadrën vendase.

Kategoria e Parë

Grupi A

Besëlidhja                 (16:00)            Egnatia Rrogozhinë

Veleçiku Koplik        (16:00)            Kastrioti

Tërbuni Pukë                        (16:00)            Korabi Peshkopi

Shkumbini                (16:00)            Erzeni Shijak

Burreli                                    (16:00)            Dinamo

Renditja

1. Besëlidhja                 4
2. Erzeni Shijak                        4
3. Shkumbini Peqin     4
4. Tërbuni Pukë                        4
5. Kastrioti                      4
6. Egnatia Rrogozhinë            3
7. Korabi Peshkopi      3
8. Dinamo                      1
9. Burreli                                    0
10. Veleçiku Koplik 0

Grupi B

Oriku                          (16:00)            Pogradeci

Elbasani                    (16:00)            Devolli

Lushnja                     (14:00)            Besa

Turbina Cërrik          (16:00)            Apolonia

Iliria Fushë-Krujë     (16:00)            Shënkolli

Renditja

1. Lushnja                     6
2. Devolli                        4
3. Oriku                          4
4. Turbina Cërrik          4
5. Besa                           3
6. Pogradeci                  3
7. Apolonia                    3
8. Shënkolli                   1
9. Elbasani                    0
10. Iliria Fushë-Krujë 0