ASNN – Rezultatet e arritura nga “Mercedes”-i në gjysmën e parë të Botërorit të Formulës 1, tregojnë qartazi epërsinë e kësaj makine ndaj të tjerave. Të mbiquajturat “Shigjetat e argjendta” kanë fituar 10 nga 12 garat e zhvilluara deri tani, 8 prej tyre radhazi. Pas saj vijnë “Ferrari” dhe “Red Bull”-i. E përditshmja sportive spanjolle “AS” ka analizuar paraqitjen e 10 skuadrave të para në renditjen e Formula 1, duke marrë “Mercedes”-in si referencë.

3,621,229 kilometra në 746 xhiro, 31 largime, një ndalesë në bokse me kohëzgjatje prej 1.88 sekondash. Këto janë disa nga mijëra statistikat që janë regjistruar në Botërorin e Formulës 1 në 2019-ën, në gjysmën e parë të vitit. Çmimi i Madh i Hungarisë, më 4 gusht shënoi fillimin e pushimit veror në këtë botëror, që përkon me titullin e 70-të për pilotë dhe të 62-tin për konstruktorë, e që mbizotërohet nga Ljuis Hemiltoni dhe “Mercedes”-i.

Një situatë, e cila është duke u përsëritur për 5 sezone, e që këtë vit mund të përshkruhet si “e papritur”, pasi askush nuk besonte që “Shigjetat e argjendta” kanë marrë 10 nga 12 fitoret e mundshme, 8 prej tyre radhazi, pas epërsisë së treguar nga “Ferrari” gjatë sezonit përgatitor në pistën e Barcelonës në Katalonjë, përpara nisjes së Botërorit. Por, shpejtësia e makinës së kuqe u shfaq vetëm në Çmimin e Madh të Bahreinit.

Aty ku një qark i shkurtër brenda njësisë së kontrollit të sistemit të injektimit të makinës së kuqe me numrin 16 e pengoi Sharl Lëklerku të arrijë fitoren e tij të parë. Por nëse flasim për shpejtësinë, nuk ka asnjë referencë më të mirë për të analizuar të ardhurat e një makine sesa paraqitja e saj në renditje. Me 8 nisje nga vendi i parë, të ndarë në 4 secili për Hemiltonin dhe 4 për Valteri Botasin, do të ishte një gabim të mos vendosni “W10” si makinën më të shpejtë të kampionatit.

Duke vendosur këtë premisë si bazë të këtij hulumtimi, “Ferrari” do të zinte vendin e dytë dhe “Red Bull”-i të 3-tin.