ASNN – Federata Botërore e Xhudos veçon përballjen e mundshme midis dy favoriteve për titull. Nga data 25 gusht, deri më 1 shtator 2019, do të zhvillohet në kryeqytetin e Japonisë, Tokio, Kampionati Botëror i Xhudos.
Dhe Federata Botërore e këtij sporti ka veçuar përballjen e mundshme midis kampiones shqiptare, Majlinda Kelmendi, dhe favorites vendase, Abe Uta, duke e cilësuar atë si një përballje ëndrrash.
Japonezja është kampione në fuqi e botës, ndërsa xhudistja nga Peja është kampione olimpike në fuqi. Klikoni videon e mëposhtme për klipin e plotë të Federatës Botërore të Xhudos.
