ASNN – Është hedhur të shtunën paradite, në orën 11:00, në sallën e konferencave të Federatës Shqiptare të Futbollit, shorti për edicionin e ardhshëm të Kategorisë Superiore, atij 2019-2020, të Kampionatit Kombëtar të Futbollit.

Nën interesimin, por jo të gjithë përfaqësuesve të klubeve që do të marrin pjesë në këtë kampionat dhe të mediave, skuadrat e Kategorisë Superiore kanë mësuar datat dhe kundërshtarët e tyre për 36 javët e këtij sezoni.

Shorti është hedhur nga Sekretari i Përgjithshëm i Federatës Shqiptare të Futbollit, Ilir Shulku dhe Shefi i Departamentit të Garave, Lysien Nurishmi, ndërsa sezoni i ri i Kategorisë Superiore, nis më 24 gusht 2019 dhe përfundon në 10-ditëshin e fundit të majit të vitit të ardhshëm.

Skema e kampionatit nuk do të ketë ndryshime dhe do të luhet me katër faza.Java e parë e kampionatit do të nis me një duel titulli mes Kukësit dhe Partizanit. Pra dy skuadrat të cilat luftuan për trofeun sezonin që lamë pas, do të ndeshen që në javën e parë. Ndërkaq, derbi i madh i kryeqytetit midis Tiranës dhe Partizanit do luhet në javën e 6-të.

Ja si do të ndeshen skuadrat e Kategorisë Superiore, në këtë edicion (Kalendari i plotë):

https://fshf.org/wp-content/uploads/2019/08/Kalendar-Superiore-Java-1-36.pdf