ASNN – Kurbinasit shënojnë të parët, por Hapoel Bir Sheva barazon shifrat në çerekorën e fundit. Është mbyllur kështu në barazim 1-1 përballja e parë e Laçit me izraelitët e Hapoel Bir Shevës, e vlefshme për turin e parë eliminator të Ligës së Evropës. Ndeshja e luajtur të enjten në mbrëmje në Stadiumin e Laçit u soll për sportdashësit drejtpërdrejt nga Rrjeti i Radio-Televizionit Shqiptar.
Laçi ka marrë vetëm një barazim 1-1 të enjten në ndeshjen e parë të turit të parë të Ligës së Evropës përballë izraelitëve të Hapoel Biir Shevës. Pjesa e parë e ndeshjes së luajtur të enjten në mbrëmje në Stadiumin e Laçit dhe të sjellë për sportdashësit drejtpërdrejt nga Rrjeti i Radio-Televizionit Shqiptar, ka nisur në mënyrë më të mirë për vendasit.
Laçi fiton një goditje të lirë në minutën e 3-të dhe, pas një këmbëngulje të skuadrës kurbinase, vjen një harkim nga e majta dhe Kirian Nuabueze ka goditur zgjuarsisht me kokë dhe topi prehet në rrjetë. 1-0. Nuabueze ka mundësi të rrezikojë sërish, por e pandeh veten në pozicion jashtëloje dhe portieri mik zgjidh situatën. Çerekora e parë e ndeshjes, do të rrjetë kryesisht e qetë dhe vetëm në minutën e 16-të, vjen një goditje nga larg e izraelitëve, por pret në pozicion portieri i kurbinasve, Selmani.
9 minuta më pas, Zdrihan zhvendoset në zonë paralel me portën, godet, por Selmani e ka ndjekur me vëmendje dhe grushton duke mos lejuar prekjen e rrjetës së tij. Në minutën e 31-të, Xhixha kërkon të shtangë portierin mik, i cili sidoqoftë shmang prekjen e rrjetës, edhe falë shtyllën. Një rast i mirë për Laçin për të dyfishuar epërsinë. 15 minutat e mbetura të pjesës së parë nuk do të sjellin raste të tjera.
Dhe Laçi do ta mbyllë atë në epërsi. Në pjesën e dytë, është sërish amerikani Nuabueze, i cili ka një rast të volitshëm në minutën e 53-të. Deliu hedh një top të gjatë nga e djathta, por sulmuesi i kurbinasve godet, por teksa nuk e gjen kuadratin. 9 minuta më pas, është i jashtëzakonshëm portieri i kurbinasve pret në 3 raste goditjet e futbollistëve izraelitë, ndërsa dëmtohet në rastin e 3-të, kur Haselbaink e goditi në kokë.
Ka edhe tension mes lojtarëve, për atë goditje të numrit 17 ndaj Selmanit. Gjysmëora e fundit e ndeshjes do të flasë për miqtë 12 minuta para fundit, barazohet rezultati. Vetëm 7 minuta pasi u fut në fushë, ka shënuar Levi, i cili merr një top nga e majta, dhe godet direkt, duke mposhtur Selmanin. Izraelitët këmbëngulin dhe, në minutën e 84-t, Shamir godet, por devijon Selmani, dhe topi ndalet në shtyllën horizontale, e cila e mban kështu në lojë ekipin kurbinas.
Përfundimisht, mbyllet në barazim 1-1 kjo sfidë midis Laçit dhe Hapoel Biir Shevës dhe izraelitët marrin një rezultat pozitiv me vete për ndeshjen e kthimit pas një jave.
