ASNN – Durrsakët kapitullojnë përballë balltikëve në takimin e parë të turit të parë të Ligës së Evropës. Teuta është mundur të enjten me rezultatin 0-3, në takim e parë të turit të parë të Ligës së Evropës përballë Ventspilsit, duke e bërë kështu gjithçka më të vështirë për durrsakët e trajnerit Blendi Shkëmbi. Fati i kësaj ndeshjeje është vulosur në favor të letonezëve me një gol të shënuar në pjesën e parë dhe dy në të dytën.
Ventspilsi duket se ua ka marrë dorën skuadrave shqiptare, pasi letonezët kanë mundur të enjten pasdite në fushën e tyre Teutën me rezultatin 3-0, në takim e parë të turit të parë të Ligës së Evropës, duke e bërë kështu gjithçka më të vështirë për durrsakët e trajnerit Blendi Shkëmbi. Pjesa e parë e takimit ka nisur më e mirë për vendasit dhe, pas vetëm 5 minutash lojë, ata kalojnë në epërsi.
Ventspilsi shënon me anë të sulmuesit Mihail Sergijçuk, i cili me një kthesë të bukur brenda zonës mposht portierin Hidi. Ndonëse Teuta provon të kundërpërgjigjet në minutën e 10-të, me anë të Kallakut, por edhe në të 21-tën, me anë të një goditjeje të lirë të pasaktë të Kurusë, do të duhet të vijë minuta e 27-të, kur gjuajtja e Aleksit në hyrje të zonës ndalet nga mbrojtësit kundërshtarë.
Një minutë më pas, Aleksi ndërthuret bukur me Todorvskin, ky i fundit harkon nga e djatha për Bushiç, por në momentin e fundit largojnë mbrojtësit letonezë. Kundërpërgjigjen vendasit me autorin e golit Serihiçuk. Gjuajtja e tij brenda zonës, ndalet nga portieri Hidi. Në minutën e dytë shtesë, vjen një tjetër mundësi shënimi për Teutën, pas një harkimi nga e djathta, Beqja provon me kokë, topi shkon jashtë kuadratit.
Me epërsinë minimale të letonezëve do të mbyllet pjesa e parë, ndërsa ajo e dyta do të sjellë edhe dy gola të tjerë të vendasve, të shënuar në 13 minutat e fundit të kohës së rregullt. Fillimisht, është Danills Ulimbasevs ai që dyfishon epërsinë e Ventspilsit në minutën e 77-të. 11 minuta më pas, Aijegun Tosin do të gjejë edhe golin e 3-të, që vulos kështu fitoren e thellë të Ventspilsit ndaj Teutës.
