ASNN – Sot është konfirmuar edhe qëndrimi i Studentit në Grupin A sezonin tjetër. Ekipi kryeqytetas mundi 85-54 në Vlorë skuadrën e Apolonisë në “play-out”, duke fituar 2-0 serinë e ndeshjeve. Studenti pat fituar me lehtësi edhe përballjen e parë në kryeqytet, ndaj për të ishte një formalitet kjo ndeshje e dytë.

Apolonia do të luajë sezonin tjetër sërish në Grupin B. Kështu, Studenti fitoi sot duelin e dytë të “play-out”-it me Apoloninë, duke e mundur me rezultatin 85-54 dhe duke siguruar përfundimisht qëndrimin në nivelin më të lartë të basketbollit të femrave, pra në Grupin A.

Duhet thënë se, në këtë ndeshje, fieraket luajtën më mirë se në ndeshjen e parë, por e patën të vështirë të mbanin ritmin e Studentit, që e fitoi me meritë takimin dhe me rezultatin 2-0 të ndeshjeve (duelin e parë në kryeqytet e kishte fituar thellë 101-67) dhe mbetet mes më të mirave, kurse Apolonia do të luajë edhe edicionin tjetër në Grupin B.

Kampionati Kombëtar

i Basketbollit – Femra

Faza e “play-out”-it

Takimi i parë:

Studenti – Apolonia             101-67

Takimi i dytë:

Apolonia – Studenti             54-85 (0-2)