ASNN – Bolti dhe Pinjera takohen në Kili. Presidenti kilian e fton kampionin olimpik në takimin “COP25”. Legjenda e atletikës, Jusein Bolt është takuar me presidentin kilian, Sebastian Pinjera. Ky i fundit e ftoi kampion olimpik për të marrë pjesë në takimin vjetor (COP25) për mbrojtjen e mjedisit dhe për të luftuar ndryshimet klimatike, që do të mbahet në Kili në dhjetor.
Atleti xhamajkan ka bërë me presidentin Pinjera gjestin tradicional të rrufesë, që secili e bën për fitoret e arritura. Presidenti dhe kampioni kanë qëndruar në pallatin presidencial “La MONEDA” gati gjysmë ore, duke biseduar. Pinjera e ftoi atë të vinte në COP25. “Prania e Bolt në këtë takim do të jetë një mbështetje për të kthyer në Kili imazhin e kujdesjes për mjedisin”, – tha Ministri i Sportit, Pauline Kantor.
Ky i fundit mori gjithashtu pjesë në takimin e atletit të njohur me kreun e shtetit kilian. Tetë herë kampion olimpik dhe kampioni i botës në 100 dhe 200 metra, Jusein Bolti, do të marrë pjesë në Kili edhe në festivalin muzikor “Lolapaloza Kili”, që zhvillohet në fundjavë.
