ASNN – Vllaznia dominon dukshëm në grupin A, Bylis dhe Besa, duel në grupin B. Niveli i dytë i Kampionatit Kombëtar të Futbollit, Kategorisë së Parë, është rikthyer në fushë në fundjavë me takimet e javës së saj të 21-të. Në Grupin B, apo grupin e Jugut, në zonën e “play-off”-it, domethënë të 5 skuadrave që luftojnë për t’u ngjitur një kategori më lart, janë luajtur të shtunën dy takimet dhe Bylisi ka mposhtur bindshëm, me shifrat 5-2, Egnatian e Rrogozhinës, ndërsa Oriku dhe Lushnja kanë shënuar nga një gol dhe kanë ndarë nga një pikë secila në përballjen midis tyre.
Po të shtunën, janë luajtur edhe dy takimet e zonës së “play-out”-it, domethënë të 5 skuadrave që luftojnë për të shmangur rënien një kategori më poshtë, dhe Turbina e Cërrikut është mundur minimalisht nga Apolonia. Elbasani ka mundur Tomorin 2-0, me nga një gol për secilën pjesë loje, në takimin që u soll për sportdashësit drejtpërdrejt nga Rrjeti i Radio-Televizionit Shqiptar. Ndërkaq, në grupin A spikati përballja e së dielës në zonën e “play-off”-it, midis Vllaznisë dhe Besëlidhjes.
Ky takim, që u luajt në Stadiumin “Loro Boriçi” të Shkodrës, u soll për sportdashësit drejtpërdrejt nga Rrjeti i Radio-Televizionit Shqiptar. Vllaznia fitoi me shifrat e thella 4-0. Po në kuadër të zonës së “play-off”-it të grupit A, të shtunën u luajt takimi Dinamo-Korabi i Peshkopisë, që u fitua nga kryeqytetasit me rezultatin 3-1, ndërsa dy takimet e zonës së “play-out”-it, Vora-Burreli dhe Iliria e Fushë-Krujës – Shënkolli, që u luajtën të dielën dhe u fituan nga vendasit me një gol të vetëm.
Ndërkohë, po në kuadër të Kategorisë së Parë, në grupin e Veriut, është rihapur gara sa i përket rënies nga Kategoria. Fitorja e Vorës ndaj Burrelit dhe humbja e Shënkollit ndaj Ilirisë bën që distanca mes dy ekipeve që janë në fundin e tabelës të ngushtohet në vetëm 2 pikë dhe tashmë gjithçka duket e hapur sa i përket mbijetesës. Të paktën teorikisht pritet një rivalitet i madh edhe në fundin e tabelës, gjë që e konfirmojnë ndeshjet e së dielës.
Kategoria e Parë
Grupi A – Play-off-i
Të shtunën, 30 mars 2019:
Dinamo – Korabi Peshkopi 3-1
Të dielën, 31 mars 2019:
Vllaznia – Besëlidhja 4-0
Grupi A – Play-out-i
Të dielën, 31 mars 2019:
Vora – Burreli 1-0
Iliria Fushë-Krujë – Shënkolli 1-0
Grupi B – Play-off-i
Të shtunën, 30 mars 2019:
Bylis – Egnatia Rrogozhinë 5-2
Oriku – Lushnja 1-1
Grupi B – Play-out-i
Të shtunën, 30 mars 2019:
Turbina Cërrik – Apolonia 0-1
Elbasani – Tomori 2-0
