AlbanianSport.com 28/02/2019 21:10

ASNN – Të enjten u zhvillua në Pallatin e Sportit “Asllan Rusi” në Tiranë Kupa në Shqipërisë në Peshëngritje, e cila si rrallë herë në këto vitet e fundit dhuroi emocione të mëdha dhe një trivalitet të spikatur, ku padyshim, tërhoqi vëmendjen dueli i pazakontë i dy shtangistëve elitarë, Briken Calja dhe Erkand Qerimaj, që këtë herë garuan së bashku në peshën trupore 81 kg.

Një rivalitet që në fund e fitoi shkodrani Qerimaj, i cili theu disa rekorde kombëtare në këtë peshë dhe i dha Federatës të kuptojë se është në gjendje të mirë dhe mund të luftojë për medalje në Kampionatin Evropian të shtangës që do të zhvillohet në muajin prill. Kupa që u zhvillua në kryeqytet me rastin e 70-vjetorit të themelimit të Federatës Shqiptare të Peshëngritjes, pati një pjesëmarrje të kënaqshme.

Ajo u zhvillua me praninë e 13 ekipeve dhe në total 103 sportistë, prej të cilëve 71 meshkuj dhe 32 femra. Qerimaj ishte më i miri nga meshkujt, kurse për femrat sportistja më e mirë në bazë të koeficientit të sinklaritetit u shpall Kleopatra Saliaj e Apolonisë. Natyrisht, drejtuesit e federatës mbetën të kënaqur jo vetëm me rezultatet e disa sportistëve, por edhe me pjesëmarrjen.

Pasi për herë të parë në shumë vite Kupa pati emocion dhe rivalitet e për herë të parë në shumë vite garën e nderuan sportistët elitarë. Në rang ekipor, trofeun e fituan Tirana për meshkuj dhe Partizani për femra. Duhet thënë se përveç Tiranës si skuadra më e mirë, një paraqitje dinjitoze tek meshkujt bënë dhe ekipet e Masglasit, Teutës, Shtërmenit dhe Elbasanit, që i përkisnin grupit të ekipeve të kreut.

Kurse tek femrat Partizanin e rivalizoi “W. Elbasani”, shumë afër me pikë, kurse ekipet e tjera ishin më larg kryesuesve.

 

Kupa e Shqipërisë 2019

Peshëngritje – Të Rritur

 

Fituesit

 

Meshkuj

Sportisti                      Ekipi          Pesha trupore        Shkëputje              Shtytje     Dygarësh

Erald Roshi               Masglas             55 kg                        85                  105                 190

Romario Avdiraj        Tirana                 61 kg                      103                 141                 244

Edison Nela              Tirana                 67 kg                      118                 152                 270

Arbër Çerçizi             Apolonia            73 kg                      125                 155                 280

Erkand Qerimaj        Tirana                 81 kg                      155                 193                 348

Krenar Shoraj           Teuta                  89 kg                      150                 190                 340

Armand Tabaku       Tirana                 96 kg                      140                 170                 310

Endri Karina             Tirana               102 kg                      161                 190                 351

Algert Meta                W. Elbasan     109 kg                      150                 165                 315

Edison Elmazi          Flamurtari      +109 kg                      145                 170                 315

 

Sportisti më i mirë: Erkand Qerimaj i Tiranës

 

Femra

Sportisti                      Ekipi          Pesha trupore        Shkëputje              Shtytje     Dygarësh

Enkilejda Carja         W.Elbasan      45 kg                        39                    47                      86

Valbona Gjoshi        Tirana               49 kg                        47                    57                    104

Ana Jovani                Skënderbeu    55 kg                        55                    67                    122

Marsela Carja           W. Elbasan     59 kg                        54                    60                    114

Kleopatra Saliaj        Apolonia          64 kg                        75                    93                    168

Loreta Allmuça         Partizani          71 kg                        40                    45                      85

Arjeta Rade               Teuta                76 kg                        65                    81                    146

Armanda Çela          Partizani          81 kg                        46                    65                    111

Besarda Kollozi        Tirana               87 kg                        40                    60                    100

 

Sportistja më e mirë: Kleopatra Saliaj e Apolonisë

 

Renditja Ekipore

 

Meshkuj

Nr.       Ekipi               Pikë

1. Tirana             767
2. Masglass       678
3. Teuta              663
4. Shtërmeni     624
5. Elbasani        597
6. Apolonia        383
7. W. Elbasan   212
8. Skënderbeu  199
9. Vllaznia         175
10. Partizani 152
11. Flamurtari   84
12. Lushnja   62

 

Femra

Nr.       Ekipi               Pikë

1. Partizani        729
2. W. Elbasan   687
3. Tirana             246
4. Teuta              153
5. Apolonia          84
6. Skënderbeu    81