ASNN – Ekipet pritëse fitojnë 7 nga 8 ndeshje, ka vetëm një barazim, por ka bollëk golash, plot 24. 8 takimet e para të kthimit të turit të 32-shes së Ligës së Evropës janë luajtur duke nisur nga ora 18:55 dhe janë njohur edhe 8 skuadrat që kualifikohen për në turin tjetër. Kështu, kanë qenë mjaft bujare në gola 8 takimet e orës 18:55, të Ligës së Evropës, pasi në to u shënuan plot 24 gola, pra 3 gola për ndeshje, ndërsa interesant është fakti se, për më tej, u kualifikuan ekipet vendase.
Vetëm njëri prej tyre përfundoi në barazim, ai midis Vijarealit dhe Sportingut të Lisbonës u mbyll me shifrat 1-1. Një rezultat ky që kualifikon për më tej spanjollët, të cilët e kishin fituar me një gol të vetëm takimin e para një jave në Portugali. Rezultatin e para një jave, atë fitore 3-1 të arritur në Zvicër përballë Zyrihut vendas, e mbrojti edhe Napoli, që vijoi të fitonte 2-0 në shtëpi, ashtu sikundër bëri edhe Valencia, që në Skoci pati korrur një fitore të pastër, 2-0 ndaj Sëlltikut.
Ajo ka vijuar ta fitojë edhe ndeshjet e kthimit në “Mestaja” me një gol të vetëm. Ndërsa Eintrahti i Frankfurtit, që ishte ndalur në një barazim 2-2 në Ukrainë përballë Shahtjorit të Donjeckut në takimin e parë, vijoi të fitonte 4-1 në fushën e vet, duke siguruar vendin në turin e 16-shes. Ndërkohë, 4 skuadrat e tjera të kualifikuara i përmbysën humbjet e pësuara në ndeshjet e para dhe kështu bëri Dinamo e Zagrebit, që fitoi 3-0 në Kroaci ndaj Viktorias së Plzenjit.
Duke e bërë të pavlefshme fitoren 2-1 të çekëve në takimin e parë. Kështu bëri edhe Salcburgu, që la pas humbjen 1-2 në takimin e parë në Belgjikë, për të mposhtur 4-0 Klyb Bryzhin. Po kësthu, si Arsenali, ashtu edhe Zeniti i Shën Pjetërburgut i lanë pas humbjet minimale të pësuar në ndeshjet e para, përkatësisht në Bjellorusi dhe në Turqi, duke vijuar të fitojnë në shtëpi përkatësisht 3-0 ndaj BATE Borisovit dhe 3-1 ndaj Fenerbahçes.
Si përfundim, 8 skuadrat që u kualifikuan për më tej nga ndeshjet e kthimti të orës 18:55 të turit të 32-shes së Ligës së Kampioneve janë Dinamo e Zagrebit, Salcburgu, Napoli, Eintrahti i Frankfurtit, Valencia, Zeniti i Shën Pjetërburgut, Vijareali dhe Arsenali.
