ASNN – Spikatin duelet Lacio-Sevilja, Sporting i Lisbonës-Vijareal dhe Gallatasaraj-Benfika. Lacio-Sevilja është përballja më e spikatur e turit të 32-shes së Ligës së Evropës. Kjo ndeshje do të sillet për sportdashësit në Rrjetin e Radio-Televizionit Shqiptar drejtpërdrejt të enjten në mbrëmje, ndërsa ky shkrim na sjell edhe të gjitha çiftet e këtij turi.
Veprimtaria e dytë e klubeve të kontinentit, Liga e Evropës, luan të enjten në mbrëmje takimet e para të turit të 32-shes, duke ofruar disa duele interesante. Duhet theksuar se në këtë short janë përfshirë 24 skuadrat që u kualifikuan për më tej nga shorti i grupeve, si të parat dhe të dytat e çdo grupi, por edhe 8 skuadrat që u eliminuan nga faza e grupeve e Ligës së Kampioneve si të 3-tat e renditjes.
Midis çifteve të këtij turi, spikat përballja e austriakëve të Rapidit të Vjenës me Interit, ndërsa Napoli do të ketë përballë zviceranët e Zyrihut dhe Çellsi do të sfidohet nga suedezët e Malmoes. Interesant janë edhe duelet midis Sëlltikut dhe Valencias, Shahtjorit të Donjeckut dhe Eintrahtit të Frankfurtit, dhe Olimpiakosit dhe Dinamos së Kievit.
Natyrisht, përballjet më të spikatura ishin ato midis Lacios dhe Seviljes, që do të sillet për sportdashësit drejtpërdrejt nga Rrjeti i Radio-Televizionit Shqiptar, Sportingut të Lisbonës dhe Vijarealit dhe Gallatasarajit dhe Benfikës. Takimet e para të turit të 16-shes, që kanë nisur të martën me fitoren minimale të Fenerbahçes me Zenitin e Shën Pjetërgurgut, luhen më 14 shkurt.
Ndërsa ato të kthimit një javë më pas, më 20 dhe 21 shkurt 2019. Të gjitha këto ndeshje do të përcillen për sportdashësit nga Rrjeti i Radio-Televizionit Shqiptar.
