ASNN – Paris SG-ja tregoi forcë, maturi, cilësi dhe natyrisht triumf në mbrëmjen e së martës në “Olld Traford”, përballë Mançester Junajtid, duke e mundur 2-0 dhe duke bërë një hap drejt kualifikimit për në çerekfinale të Ligës së Kampioneve. Ishte një ndeshje e madhe, me volum maksimal, me raste të shumta për të dyja skuadrat dhe spektakël në tërësinë e saj. Por në fund, të qeshur nga impianti mitik anglez kanë dalë francezët që falë një futbollisti si Kilian Mbape këtë edicion kanë shanse të mëdha të sigurojnë një sukses të rëndësishëm.
Pjesa e parë nuk prodhoi gola, pavarësisht përpjekjeve të të dyja skuadrave. Në pjesën e dytë ishte Kempbe që realizoi për francezët pas një aksioni të shpejtë e në perfeksion të skuadrës pariziene. Mançester Junajtid detyrohet të dalë para për të gjetur golin e barazimit dhe ushtron trysni të madhe në sulm, por krijimi i hapësirave pas solli edhe ndëshkimin e skuadrës angleze. Kilian Mbape shfrytëzoi si duhet rastin dhe shënoi golin e dytë në minutën e 62-të, duke i vënë “kapak” fitores. Edhe pse Mançester Junajtid e rriti ndjeshëm lojën sulmuese.
Ndonëse trajeri Solskjaer i ka futur në fushë të gjithë elementët e repartit sulmues, goli mungoi. Kjo edhe për meritë të mbrojtjes franceze dhe portierit veteran Xhixhi Bufon, të cilët u mbrojtën me kujdes dhe ia dolën të dilnin me një fitore të madhe nga kjo përballje, një fitore që i jep epërsi Paris SG-së dhe mundësi që të bëjë një hap përpara drejt kualifikimit. Në minutat e fundit, Pol Pogbanë nuk e mbajtën nervat dhe mori karton të kuq, që do të thotë se do të mungojë në ndeshjen e radhës.
Ndeshja e kthimit do të luhet pas 3 javësh, por tanimë me francezët favoritë, kurse trajneri Ole Gunar Solskjaer në krye të Junajtid, si trajner e nis me humbje aventurën e tij në Ligën e Kampioneve.
