ASNN – Aron Ramsi ka firmosur një kontratë të majme me Juventusin. Uellsiani që do të transferohet tek kampionia e Italisë më 1 korrik të këtij viti, do të fitojë 400 mijë stërlina angleze në javë, raportojnë mediat britanike.
Gjatë 4 viteve që ai do të qëndrojë në Torino, lojtari aktual i Arsenalit do të arkëtojë 83 milionë stërlina. Klubi italian njoftoi zyrtarisht se Ramsi ka firmosur kontratë 4-vjeçare me Juventusin.
Dhe ai do t’i bashkohet klubit torinez sapo të skadojë kontrata mes lojtarit dhe skuadrës angleze të Arsenalit. Ramsi shfrytëzoi rrjetet sociale për të falënderuar të gjithë tifozët e Arsenalit për mbështetjen.
Po ashtu, ai nxitoi të premtonte se do të jepte maksimumin deri në fund të sezonit aktual të Premier Ligës Angleze. Ky është një tjetër përforcim për Juventusin, duke filluar nga sezoni i ardhshëm futbollistik.
