ASNN – Teuta humbet me Blokotehnën, por nuk e lëshon kreun në Ligën Ballkanike të Basketbollit për Meshkuj. Teuta regjistroi humbjen e 4-t në 11 ndeshje të luajtura në Ligën Ballkanike, pasi u mposht mbrëmjen e të mërkurës nga skuadra maqedonase e Bokotehnës. Durrsakët humbën 90-62, një disfatë e rëndë që bie ndesh me paraqitjet e mira që kanë bërë “Djemtë e detit” si në kampionatin kombëtar, ashtu dhe në Ligën Ballkanike.
Sidoqoftë, edhe pse humbi, kjo nuk e dëmton objektivin e skuadrës për të qenë në 4 të parat e kësaj lige dhe të sigurojë pjesëmarrjen në “play-off”. 10-minutëshi i parë dhe i dytë ishin përcaktues për fatet e ndeshjes, sepse maqedonasit e dominuan takimin dhe i fituan këto dy pjesë me shifra të thella, konkretisht, të parën 21-14 dhe 10-minutëshin e dytë, 27-10.
Pra kur ishte bërë vetëm gjysma e lojës, Blokotehna udhëhiqte 48-24, fiks me dyfishin e pikëve. Në dy pjesët në vijim Teuta e përmirësoi lojën dhe rezultati u barazpeshua, por pa ndodhur mrekullia, sepse maqedonasit fituan dhe 10-minutëshin e 3-të me shifrat 23-19. I vetmi 10-minutësh që përfundoi totalisht në ekuilibër ishte i 4-ti dhe i fundit, që përfundoi në barazim 19-19.
Krejt ndeshja përfundoi me rezultatin 90-62, një fitore e merituar për vendasit, të cilët ngjiten gjithashtu në katër vendet e para dhe kanë siguruar në këtë formë renditjen brenda katërshes. Teuta shkon në 18 pikë, po aq sa Beroe që ka luajtur dy ndeshje më pak, apo dhe Akademik Bulteks i Bullgarisë, që ka të njëjtat statistika sportive në 11 takime sikurse edhe Teuta.
Me pak fjalë, durrsakët e kanë siguruar 4-shen e parë në Ligën Ballkanike dhe kanë siguruar pjesëmarrjen në “play-off”.
Liga Ballkanike (BIBL)
Basketboll – Meshkuj
Blokotehna – Teuta 90-62
(21-14, 27-10, 23-19, 19-19)
Renditja
Nr. Skuadra N. F. H. Pikë
- BC Beroe 9 9 0 18
- BC Academik Bulteks 11 7 4 18
- KS Teuta 11 7 4 18
- KK Blokotehna-NB 8 6 2 14
- KB Bashkimi 10 1 9 11
- KK Kozhuv 8 2 6 10
- BC Barsi Atirau 9 1 8 10
