ASNN – Vëmendjen e javës së 15-të të Kategorisë së Parë e ka tërhequr kryendeshja e grupit A, ajo midis Erzenit dhe Vllaznisë. Për shkak të dënimit të fushës së Shijakut, ndeshja është luajtur në stadiumin e Shkumbinit në Peqin. Dy skuadra që kryesojnë grupin A, nga të cilat pritej shumë. Por fati i këtij takimi ndryshon që në minutën e 2-të. Është kapiteni i Erzenit, Orion Xhemalaj, ai që arrin të shënojë me një goditje brenda zonës, duke kaluar skuadrën e tij në epërsi.
Shkodranët të tronditur nga pësimi i golit kaq shpejt, mundohen të reagojnë por pa rezultat. Shijakasit arrijnë të dyfishojnë shifrat me fillimin e pjesës së dytë. Këtë radhë është një autogol i mbrojtësit të Vllaznisë, Marku që i çon shifrat në 2-0 për Erzenin. Pas kësaj fitoreje, Erzeni ngjitet në kuotën e 31 pikëve në vendin e dytë, ndërsa Vllaznia mbetet në vendin e parë me 35 pikë në grupin A. Në takimet e tjera të grupit të Veriut, Dinamo u mund minimalisht në Vorë.
Ndërsa Besëlidhja fitoi 2-1 derbin me Shënkollin e Korabi fitoi 3-1 në shtëpi ndaj Veleçikut të Koplikut. Në grupin e Jugut, Apolonia mundi në Fier minimalisht Pogradecn, Turbina u mund në Cërrik 0-2 nga Tomori, kurse Bylisi dhe Elbasani fituan me të njëjtat shifra, 3-0, përkatësisht në shtëpi ndaj Lushnjës dhe në Elbasan ndaj skuadrës vendase. Të dielën luhen dy takimet e fundit të javës së 15-të, Iliria e Fushë-Krujës – Burreli, në grupin A dhe Egnatia-Orikumi në grupin B.
Kategoria e Parë
Grupi A
Të shtunën:
Vora – Dinamo 1-0
Shënkolli – Besëlidhja 1-2
Korabi – Veleçiku Koplik 3-1
Erzeni Vllaznia 2-0
Të dielën:
Iliria Fushë-Krujë – Burreli
Grupi B
Të shtunën:
Apolonia – Pogradeci 1-0
Turbina – Tomori 0-2
Bylis – Lushnja 3-0
Elbasani – Besa 0-3
Të dielën:
Egnatia – Orikumi
