ASNN – I ftuar në “Rubrikën Sportive” në Rrjetin e Radio-Televizionit Shqiptar, Drejtori i Përgjithshëm i Partizanit, Olsi Rama, ka folur për merkaton e janarit dhe rivalët, ndërsa është shprehur i kënaqur me atë që ka parë nga skuadra në këtë fillimvit.

Një fillim të mbarë të vitit e ka cilësuar Drejtori i Përgjithshëm i Partizanit, Olsi Rama, paraqitjen e skuadrës së tij në ndeshjen e kupës dhe të kampionatit. Sipas tij, faza përgatitore e të kuqve ka qenë e frytshme.

Drejtori i të kuqve kryeqytetas është shprehur i kënaqur më tepër sesa me rezultatin, me atë që pa nga skuadra e tij në fitoren ndaj Skënderbeut. Rama ka folur edhe për merkaton e të kuqve, duke përvijuar pritshmëritë.

Në fund nuk ka munguar edhe një thumbim për rivalin kryesor për titull, Kukësin.