ASNN – E papritura më e madhe e javës së 19-të të Kategorisë Superiore është Kastrioti. Ekipi i vendit të fundit në renditje, njëherësh në një krizë të përhershme nga fillimi i sezonit, me rezultate negative dhe i pashpresë, shkon e fiton në Gjirokastër të dielën, madje me rezultatin e pabesueshëm 5-1 kundër Luftëtarit, duke regjistruar një prej rezultateve më të thella të sezonit dhe një fitore që, për më tepër, i kthen krutanët në luftën për mbijetesë.

Në Gjirokastër ishte një rezultat i pabesueshëm ai i sotmi, ku krutanët dominojnë dhe fitojnë thellë, duke marrë tri pikë që i afrojnë me ekipet e tjera që janë në garën e mbijetesës. Serinë e golave për krutanët e hapi Roxheri në minutën e 10-të por protagonist do të bëhej Marku, i cili shënoi me 11-metërsh në minutën e fundit të pjesës së parë, duke bërë që ky fraksion loje të mbyllej 2-0 për miqtë nga Kruja. Luftëtari i gjendur i papërgatitur dhe i pafuqishëm në këtë situatë, luan mundësitë ekstreme.

Duke u përpjekur për të barazpeshuar lojën dhe rezultatin, por kjo do të kishte pasoja të rënda. Sepse dalja përpara e skuadrës gjirokastrite la prapa në mbrojtje hapësira të shumta, që u shfrytëzuan me sukses nga krutanët. Sidoqoftë, në minutën e 70-të, ish-sulmuesi i Partizanit dhe Skënderbeut, Realdo Fili, shënon golin për Luftëtarin duke ngjallur shpresat për të mos dalë pa pikë nga ky duel. Por kulmi do të vinte në 6 minutat e fundit, ku Kastrioti shënon 3 gola, dy nga Marku e një nga Roxheri, duke i dhënë një goditje të fortë ekipit të Luftëtarit dhe trajnerit Gentian Mezani.

Ky i fundit tha pas ndeshjes se me këtë paraqitje dhe me këtë grup lojtarësh, rënia nga kategoria është e garantuar. Sipas tij, duhen ndërhyrje urgjente në merkato, ndryshe i hapet rruga dështimit. Përkundër zhgënjimit të Luftëtarit ndodhet Kastrioti, i cili jo vetëm korr një fitore surprizë, të dytën në Gjirokastër në këtë edicion (e ka mundur edhe në fazën e parë 1-0), por merr 3 pikë që e rifusin në garën e mbijetesës, sepse tani ka 13 pikë, vetëm 4 pikë më pak se Luftëtari.

Kategoria Superiore

Java e 19-të

Të premten, 25 janar 2019:

Skënderbeu – Partizani       0-1

Të shtunën, 26 janar 2019:

Kukësi – Laçi                         0-0

Të dielën, 27 janar 2019:

Luftëtari – Kastrioti                1-5

Tirana – Kamza                     (17:00)

Teuta – Flamurtari                (17:00)

Renditja

Nr.       Skuadra         Pikë

1. Partizani        40
2. Kukësi            35
3. Teuta              33
4. Laçi                 31
5. Skënderbeu  30
6. Flamurtari      28
7. Tirana             17
8. Luftëtari         17
9. Kamza            15
10. Kastrioti 13