ASNN – LëBron nuk është më i pari, një tjetër Xhejms është “mbreti” i këtij sezoni në NBA. LëBron Xhejms cilësohet si një ndër basketbollistët më të mirë të të gjitha kohërave. Sezonet e fundit ai ka shkëlqyer në të gjithë madhështinë e tij dhe Los Anxheles Lejkërs janë me fat që kanë në gjirin e tyre një basketbollist të këtyre përmasave.

Por dëmtimi i fundit po e lë shumë ndeshje jashtë parketit dhe skuadra e Lejkërsave po vuan mungesën e tij, duke mos ia dalë të marrë më të mirën. Të gjithë shpresojnë që Xhejms të kalojë dëmtimin e të kthehet në parket për të ndihmuar L.A. Lejkërs në objektivat e saj. E ndërsa LëBron po vuan nga një dëmtim, një tjetër Xhejms është “mbreti” i këtij sezoni në NBA.

Bëhet fjalë për basketbollistin e Hjustonit, Xhejms Harden, i cili është lojtari më i mirë sulmues i këtij edicioni në basketbollin amerikan. Ai ka një mesatare realizimi prej 35.4 pikësh. I dyti në radhë vjen i njohuri Stefën Këri i Gollden Stejtit me 29.8 pikë për ndeshje, ndërsa i treti është Enthoni Dejvis i skuadrës së Nju Orlins Pelikans, i cili ka realizuar 29.3 pikë për ndeshje.

Në 5-shen e parë më të mirë sulmuese të këtij sezoni, përfshihen edhe Kevin Djuranti i Gollden Stejtit, si dhe Kahvi Leonard i Torontos. Vetëm në vend të 6-të LëBron Xhejms i Los Anxheles Lejkërs, i cili ka realizuar 27.3 pikë për ndeshje. Një shifër shumë e mirë, por larg më të mirit të këtij edicioni, Xhejms Hardenit. Në 10-shen e parë të gjithë basketbollistët sulmues kanë një mesatare mbi 26 pikë për ndeshje. Por Harden ka diferencë të ndjeshme me shumicën prej tyre.

10 basketbollistët më të mirë sulmues

në NBA për sezonin 2018-2019

Nr.       Basketbollisti                                    (Skuadra)                              Pikë për ndeshje

1. Xhejms Harden                    (Hjuston Rokets)                              35.4
2. Stefën Këri                            (Gollden Stejt)                                   29.8
3. Enthoni Davis                      (Nju Orlins Pelikans)                       29.3
4. Kevin Djurant                       (Gollden Stejt)                                   28.1
5. Kavhi Leonard                      (Toronto Reptors)                            27.6
6.        LëBron Xhejms                    (L.A. Lejkërs)                                     27.3
7. Xhoel Embid                         (Filadelfia 76-ërs)                             26.9
8. Pol Xhorxh                            (Oklahoma Siti Thunder)                26.6
9. Janis Antentonkumpo        (Miluoki Baks)                                   26.4
10. Damian Lilard (Portland Treilblejzërs)                    26.1